Zinema

Cannesko zinemaldia atzeratu egingo dute koronabirusaren krisiagatik

Maiatzaren 12tik 23ra ziren egitekoak zinema jaialdia, eta, oraingoz, ez dute jakinarazi noiz egingo duten

Cannesko jaialdia ez da egingo maiatzean.
Cannesko jaialdia ez da egingo maiatzean. Sebastien Nogier / EFE Tamaina handiagoan ikusi

Mikel Lizarralde -

2020ko martxoak 20

Cannesko zinemaldiak huts egingo dio, aurten, urtero maiatzean zinemazaleekin duen hitzorduari. Egunotan zabalduz joan diren zurrumurruak, azkenean, egia bihurtu dira, eta antolatzaileek jakinarazi dute jaialdia ezingo dela egin iragarritako egunetan. Hasieran, apirilaren erdialdera atzeratu nahi zuten azken erabakia, baina, ikusita koronabirusa nola ari den zabaltzen Frantzian —10.995 kasu baieztatuak eta 372 hildako—, aurreratu egin behar izan dute.

«Jaialdia egin dadin hainbat hipotesi ari gara aztertzen. Nagusia izango litzateke ekaina-uztailera atzeratzea», adierazi dute antolatzaileek. Nolanahi ere, Frantziako eta nazioarteko osasun egoeraren garapenak baldintzatuko du erabaki hori, eta horren arabera hartuko dute azken erabakia. Ordura arte, eta beti jaialdiaren oharraren arabera, zinemaldiaren antolakuntza taldeak eskatu du konfinamendurako neurriak errespeta daitezela.

Cannesko zinemaldiak apirilaren 16an iragarri behar zituen aurtengo lehiaketan parte hartu behar zuten filmak.

Ez da hau Cannesko jaialdia atzeratzen edo bertan behera gelditzen den lehenengo aldia. Bere lehenengo edizioa 1939an egitekoa zen, baina, II. Mundu Gerraren eraginez, 1946ra arte ezin izan zuten lehen ekitaldia egin. 1968an, berriz, jaialdia abian zela utzi zuten bertan behera, maiatzeko protesten testuinguruan.

Iaz, Bong Joon-Jo korearrak irabazi zuen jaialdiko sari nagusia, Urrezko Palma, Parasite filmarekin.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Salvador Illa Espainiako Osasun ministroa gaurko agerraldian. ©Chema Moya/EFE

Diskotekak eta gaueko tabernak ixteko agindu du Madrilek

Berria

Neurriak zorroztuko dituzte Hego Euskal Herrian, egoera epidemiologikoak okerrera egin duela eta. Gainerako taberna edo jatetxeek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

Jendea paseoan Donostiako alde zaharreko kaleetan, atzo. ©Juan Carlos Ruiz/FOKU

618 kasu atzeman dituzte Hego Euskal Herrian

Berria

Bizkaian behera egin dute kasuek; Araban, Gipuzkoan eta Nafarroan, aldiz, igo egin dira.

Osasun langileak PCR probak egiten Donostian, aurreko astean. ©Gorka Rubio/FOKU

Azpeitiko Erdikalean ibili zirenei proba egiteko eskatu die Jaurlaritzak

Berria

Abuztuaren 7tik 9ra bitartean kale horretan ibilitakoek egin beharko dute testa.

Bilboko Birjinetxe zentroa. Bertara eraman dituzte positibo eman diuten egoiliarrak. ©Raul Bogajo/FOKU

Gallartako zahar etxe batean hamasei positibo atzeman dituzte

Berria

11 egoiliar eta bost langile kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna