Albistea entzun

CAFen akordio bat erdietsi dute langile batzordeak eta zuzendaritzak

Apirilaren 20ra arte itxiko dute lantegia. Galdutako orduak urtean zehar errekuperatu beharko dituzte langileek, eta enpresak ehun langile kontratatuko ditu behin-behinean, ekoizpena lehengoratzeko. Kontseiluko eta zuzendaritzako kideek %5 murriztuko dute soldata. ELAk ez beste sindikatu guztiek sinatu dute akordioa.

CAFen Beasaingo lantegia, asteazkenean, itxita koronabirusagatik. /
CAFen Beasaingo lantegia, asteazkenean, itxita koronabirusagatik. / Jon Urbe/Foku Tamaina handiagoan ikusi

Jon Ordoñez Garmendia -

2020ko martxoak 20

Eragin handia izaten ari koronabirusa industrian ere, eta, nahiz eta ekoizpena ez den geratu, enpresa asko dira ateak ixten langileen osasuna bermatzeko. CAFek astelehenean erabaki zuen ateak ixtea behin-behinean, eta, orain, itxialdia apirilaren 20ra arte luzatzea erabaki du, Aste Santuko oporraldia igaro arte. Ez da, ordea, kaleratzerik izango, ezta soldata murrizketarik ere langileentzat. Urtean zehar errekuperatu beharko dituzte orain sartuko ez dituzten orduak. Enpresak, berriz, sinatutako kontratuak epe barruan amaitzeko, ehun langile kontratatuko ditu behin-behinean. Gainera, kontseiluko kideek eta zuzendaritzakoek %5 murriztuko dute soldata. ELAk ez beste sindiaktu guztiek sinatu dute akordioa: LAB, CCOO, ESK eta UGT.

LABek jakinarazi duenez, joan den astean Beasaingo eta Irungo lantegietako produkzioa etetea eskatu zuen, eta zenbait langilek uko egin zioten lan egiteari. "Beste behin, langileak izan gara arriskuaren aurrean erantzukizunez jokatu dugunak", adierazi du.

Astelehenetik aurrera, enplegua aldi baterako erregulatzeko espediente bat iragarri zuen zuzendaritzak egun horretan bertan. Lanordu guztiak errekuperatzea nahi zuen, baina ez ziren ados jarri. Azkenean, aste honetako hiru lanegunetako orduak ordaindu egingo zaizkie "ordainpeko baimen" gisara. LABek nabarmendu du martxoaren 23tik apirilaren 8a bitartean galdutako orduek ez diotela eragingo opor garaiari. Izan ere, momentu batean abuztuan lan egitea jarri zuen zuzendaritzak mahai gainean. Lanegunetan eta larunbatetan errekuperatu beharko dituzte.

LABek nabermendu du akordioak ez duela ekarriko plantilla murriztea edo langileek soldata murriztea. Aitortu du garai zailean dagoela enpresa, dauzkan eskariengatik, eta ez dela hau akordioak lortzeko egoerarik onena. Baina gaineratu du langileek ahal duten guztia egingo dutela  normaltasunera iristeko. Zuzendaritzari eskatu dio horrek ere arduraz jokatzeko, lanpostu finkoak, behin-behinekoak eta azpikontratatutakoak mantenduz, lan baldintzetan atzera egin gabe.

ELAk akordioa ez sinatzea erabaki zuen, argudiatuz galdutako lan orduen errekuperazioa enpresak ere bere gain hartu beharko lukeela. "Enpresaren egoerak akordio berdintsuago bat ahalbidetu beharko zukeen". Gaineratu du aldi baterako kontratazio gehiago ere egin zitezkeela, eta ez dagoela egiaztatzerik kontseiluko eta zuzendaritzako kideek soldata murriztuko dutenik. Azkenik, akordioa langileen artean bozkatu gabe onartu dela salatu du, eta juridikoki hori legezkoa den aztertuko duela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jatetxeak itxita eta jende oso gutxi Pekingo kaleetan, maiatzean. ©MARK R. CRISTINO / EFE

OMIKRONAREN KOLPEA

Olatz Urkia

Mundua koronabirusarekin bizitzen hasi den honetan, Txinak ez du bertan behera utzi nahi kutsaturik gabeko estrategia. Eta ordaindu beharreko prezioa altua da. Pandemia hasi zenetik bi urte baino gehiago pasatuta, orain hartu du Txinako ekonomiak kolperik gogorrena.

Kaiet Barberarena, Iholdiko Landaia etxaldean, Kintoa arrazako bere zerrien parkean, joan den ostiralean. ©I.E.

Laborariak kezkatu ditu prezioen goititzeak

Iñaki Etxeleku

Hazkuntzarako kanpoan erosi bazka, ongailu eta erregaien prezioak goratu izanak kinka gaiztoan ezarri ditu laborari franko. Iholdiko Landaia etxaldean ere bai, nahiz autonomia bilatzeak arriskua arintzen dion. Erresilientzia planeko dirua banatzeko Frantziak finkatu arauak, gainera, bazter utzi ditu ehunka etxalde.
Pedro Sanchez, Ministro Kontseilu bereziaren osteko agerraldian. ©Kiko Huesca / EFE

Espainiako Gobernuak 200 euroko txekea emango die errenta apaleko langileei, autonomoei eta langabeei

Irune Lasa

Kotizaziorik gabeko pentsioak %15 igoko ditu, eta garraio publikorako abonuak merkatuko. Pedro Sanchezek energia konpainien irabazien gaineko zerga berria iragarri du. «Gehien lortzen dutenek, ekarpen handiagoa egin behar dute sakrifizio kolektibora».

Pedro Azpiazu Jaurlaritzako Ekonomia sailburua, Eusko Legebiltzarrean, gaur. ©Irekia

Europako funtsetatik 1.090 milioi euro jaso dituzte Arabak, Bizkaiak eta Gipuzkoak

Iker Aranburu

Eusko Jaurlaritza kexu da funtsen banaketa oso motel doalako, eta etsita dago Espainiako Gobernuaren banaketa zentralistarekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...