Pasaiako Sarraskia Argitu plataformak loreak jarri ditu gaur 1984ko martxoaren 22an Pasaiako badian Espainiako Poliziak hil zituen Komando Autonomo Antikapiltalestako lau kideak gogoratzeko. 36 urte bete dira segada batean Jose Mari Izura Pelu, Pedro Mari Isart Pelitxo, Rafael Dela Txapas eta Dionisio Aizpuru Kurro hil zituztela. Euren omenez dagoen oroitarrian utzi dituzte loreak.
Berez, gertaera hura gogoratzeko ekitaldi bat zegoen gaurko deituta, baina, koronabirusaren eraginez, bertan behera geratu zen.
