Koronabirusa

Denis Itxasok Espainiako armadaren zerbitzua eskaini die udalei

Espainiako Gobernuaren EAEko ordezkariak Arabako, Bizkaiko eta Gipuzkoako alkateei azaldu die Espainiako armada haien zerbitzura dagoela, herrietako azpiegiturak desinfektatzeko.

Denis Itxaso, martxoaren 6an egindako agerraldi batean.
Denis Itxaso, martxoaren 6an egindako agerraldi batean. David Aguilar / EFE Tamaina handiagoan ikusi

Berria -

2020ko martxoak 24

Espainiako militarrak Euskal Herrian dira joan den asteaz geroztik, koronabirusak eragindako alerta egoera dela eta; «instalazioak desinfektatzeko eta jendea pilatzea eragozteko» bidali ditu Espainiako Gobernuak. Armadak bere gain hartu du, besteak beste, Loiuko aireportua (Bizkaia) desinfektatzeko lana, aireportuak berak hala eskatuta. Denis Itxaso Espainiako Gobernuaren EAEko ordezkariak gutun bat bidali die Arabako, Bizkaiko eta Gipuzkoako alkateei, eta eskatu die haiek ere jar daitezela harremanetan berarekin, armadak beren herrietako tokiren bat desinfektatzea nahi badute.

Itxasok azaldu die ezen, Espainiako armada «baliabide eta gaitasun bereziak dituen zerbitzu publiko bat» denez gero, udalen «zerbitzuan» egon behar duela gaur egungo egoeran, udalak baitira, haren esanetan, herritarrengandik hurbilen dauden erakundeak, eta herritarren «presioari eta aparteko eskakizunei» aurre egiten dietenak.

Hona Itxasok udalei bidali dien gutuna, osorik:

Mendabian, Espainiaren aldeko oihuak

Asteburuan, Nafarroan izan da Espainiako armada. Mendabian, zaharren egoitza garbitzera joan ziren soldaduak. Beren ibilerak sare sozialetan zabaldu zituzten: bideo batean, hogei bat soldadu ageri dira Mendabiako kale batean, formatuta, eta, buruak «Gora Espainia!» esaten duen aldi bakoitzeko, soldaduek «hil arte zerbitzatu!», erantzuten diote.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Antton Troitiño, 2018an, Espainiako Auzitegi Nazionalean. ©EFE

Etxerat-ek salatu du Troitiño espetxean daukatela oraindik

Maddi Ane Txoperena Iribarren

Hamabortz egun igaro dira Espainiako Auzitegi Nazionaleko Jose Luis Castro epaileak euskal presoa eritasunagatik aske uzteko autoa sinatu zuenetik, baina oraindik ez dute Estremerako kartzelatik atera. Hirugarren gradua emateko autoa irmoa da joan den ortziraletik. Arreta «duina» eskatu du Etxerat-ek.

Izpegin jende andana bildu da pasabidearen zerratzea eta Frantziako indar militarren okupazioa salatzeko. ©BOB EDME

Izpegiko pasabideari, mugarik ez

Ainize Madariaga

Nafarroaren zatiketa salatzeko, berrehun lagunetik goiti bildu da Izpegiko lepoan. Frantziaren okupazio militarra ere gaitzetsi dute

Gaur eguerdiko prentsaurrekoa, Iruñean. ©Jagoba Manterola / Foku

«Ziklo bat ixteko garaia da»

Joxerra Senar

Altsasuko gazteek, haien gurasoek eta herri plataformak agerraldi bateratua egin dute Iruñean. Eskerrak eman dituzte azken lau urteetan jasotako elkartasunagatik. 

Imanol Satrustegi historialaria. Tesia egin du Nafarroako ezker iraultzaileari buruz ©Iñigo Uriz / Foku

Utopia helburu

Edurne Elizondo - Nafarroako Hitza

NUPeko historialari Imanol Satrustegik 1970eko hamarkadako Nafarroako ezker «iraultzailea» aztertu du, hilaren 29an aurkeztuko duen tesian. «Iraultza xede hartzeak mobilizatzeko balio izan zuen».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna