Noiz sortua: 2020-03-26 18:00:33

Epidemia Nafarroan, osasun eremuka

Nafarroako Gobernuak datu zehatzagoak eman ditu osasun sistema publikoak artatutako kasuak erabilita. Iruñean dago kasu gehien, eta Artaxoak du indizerik handiena 1.000 biztanleko.

Iruñeko erietxe bateko ataria.
Iruñeko erietxe bateko ataria. Idoia Zabaleta / Foku Tamaina handiagoan ikusi

Berria -

2020ko martxoak 26

Nafarroako Gobernuak koronabirusak lurraldean izan duen bilakaerari buruzko informazioa eman du argitara. Ez du egin udalerrien zerrendarik, Eusko Jaurlaritzak bezala, baina osasun eremutan eman dituzte datuak. Kasu gehien Iruñeko Arrotxapea auzoan dago (67); Iruñetik kanpora, Burlatan (61), Tafallan (60) eta Barañainen (58) dago kutsatu gehien.

Asteazkeneko datuak xehatu dituzte, baina ez dituzte Nafarroako datu guztiak izan kontuan, Osasunbidea osasun zerbitzu publikoak jasotakoak baizik. Lurraldean 1.411 pertsonak dute COVID-19 gaitza denera, eta horietatik 1.213 artatu ditu Osasunbideak.

54 osasun eremuen artean, aurrez aipatutakoez gain, hauek dituzte 40 kutsatu baino gehiago: Iturramak (53), Txantreak (52), Bigarren Zabalguneak (50), Donibanek (49), Zizur-Etxabakoitzek (48), Ermitagañak (41) eta Cintruenigok (40).

Gainera, 1.000 biztanleko kasuen tasa ere egin dute. Artaxoak du indizerik handiena (6,31); haren atzetik, Tafallak (5,28), Cintruenigok (4,9) eta Burlatak (3,79).

Nafarroako osasun sistema etengabe ari da «aldatzen eta antolatzen bere jarduera, giza baliabideak eta baliabide materialak» koronabirusaren epidemiari aurre egiteko, Osasun Sailaren esanetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Osasungintzako langileak txaloka, Nafarroako Ospitalean, Iruñean. / ©Idoia Zabaleta, Foku

Datozen orduetan iritsiko dira Nafarroara Turkian atxiki zituzten arnasgailuak

Berria

10:00etan hasi dute Maria Txibite Nafarroako lehendakariak eta Iñigo Urkullu Eusko Jaurlaritzakoak azken igandeetan, Espainiako beste autonomia erkidegoetako presidenteekin batera, Pedro Sanchezekin egin ohi duten bilera.

 ©IÑIGO URIZ / FOKU

Etxea ikasgela

Garikoitz Goikoetxea

Itxialdiak hankaz gora jarri du irakaskuntza: etxean ari dira ikasleak, irakasleak eta gurasoak. Pantaila edo telefono bidezkoa da irakasle-ikasleen arteko erlazio bakarra. Hezkuntzaren erronkak ageri-agerian geratu dira egunotan: adibidez, desberdintasun sozialak orekatu beharra. Etxealdian arriskuan egongo da hori.

 ©MARISOL RAMIREZ / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna