Noiz sortua: 2020-03-26 20:06:18

Jarduera ekonomikoa

Bi bloke, krisi mahaiaren bileran

Jarduera ekonomikoari eutsi nahi diote Jaurlaritzak eta Confebaskek, eta oinarrizkoa ez dena eten nahi dute sindikatuek. Enpresek jardueraren erdia galdu dutela azaldu du patronalak.

Sonia Perez, Arantxa Tapia eta Maria Jesus San Jose sailburuak, gaur.
Sonia Perez, Arantxa Tapia eta Maria Jesus San Jose sailburuak, gaur. Jose Ignacio Unanue / Irekia Tamaina handiagoan ikusi

Iker Aranburu -

2020ko martxoak 27

Bigarrenez bildu dira ostegun arratsaldean Eusko Jaurlaritza, aldundiak, sindikatuak eta patronala, bideokonferentzia bidez, koronabirusari aurre egiteko neurriek eragindako egoera aztertzeko. Aurretik bezala, bi bloke azaldu dira: Jaurlaritzak eta Confebaskek ahalik eta jarduera ekonomiko gehienari eustea defendatu zuten, eta sindikatuek, berriz, langileen osasunari lehentasuna ematea eskatu zuten.

Eduardo Zubiaurre Confebaskeko presidenteak enpresen artean egindako inkesta baten berri eman du. Haren arabera, Arabako, Bizkaiko eta Gipuzkoako enpresen jarduera krisiaren aurrekoaren erdia da dagoeneko. Zubiaurrek onartu du osasun krisiari krisi ekonomiko gordin batek jarraituko diola. Gaineratu duenez, jarduerari eusten dioten industriak hasiak dira lehengaien eta horniduren eskasia antzematen. Salgaien garraioan ere arazoak sortu dira. Enpresei finantzaketa bermatzeko, aldi baterako erregulazioak bizkortzeko, eta lana galdu dutenei laguntzeko eskatu du enpresaburuen elkarteak.

ELAren eskaerak

ELAren aldetik, Mikel Novalek eta Pello Igeregik hartu dute parte Jaurlaritzak deitutako bileran. Biek esan dute erabateko lehentasuna eman behar zaiola osasun publikoari, eta horregatik eskatu dute azterketa azkarrak egitea ahalik eta jende gehienari. Gogorarazi dute «egoera latzean» ari direla lanean milaka langile, batik bat zahar etxeetan, ospitaleetan eta elikagai dendetan, eta eskatu dute funtsezkoak ez diren jarduerak murriztea, hori baita oraintxe bertan osasun publikoari egin ahal zaion mesederik handiena».  

Sindikatuak uste du Jaurlaritzak ez diola «egoera larriaren tamainako erantzunik» eman krisiari. «Neurriak berandu datoz, eta oso motz geratuko dira» krisiari aurre egiteko hartutako neurrietan. ELAk eskari hauek mahairatu ditu:

-Saririk ez duten langabe guztientzako gutxieneko errenta bermatua, LGS adinekoa.

- DSBEaren sisteman indargabetu egin behar dira zenbatekoari buruzko xedapenak, zeintzuek 2008ko Legea bere horretan aplikatzea galarazten duten.

-Diru sarrerak eta kotizazioak bermatze aldera hainbat erabakiren ondorioz —esaterako, ikastetxeetan eskolak etetea— zaintza lanak beren gain hartu behar izan dituztenentzako laguntza bat ezartzea.

-Enpleguaren aldi baterako erregulazioetan, enpresei ez eman txeke zuririk, ez ditzaten justifikatu gabeko epe batez luzatzeko baliatu, eta exijitu aldi baterako langileen kontratuak ez daitezela amaitu.

-Etxegabetzeak atzeratzea eta errenta etahipoteken ordainetik salbuetsita geratzea COVID-19aren krisiak eragindako pertsona guztiak.

-Etxebizitza, elikadura eta energiaren moduko oinarrizko eskubideen estaldura bermatu, batez ere kolektiborik zaurgarrienei. Hornidura eteteko debekua hiru hilabeteko epean.  

LAB, Jaurlaritzarekin haserre

LABen aldetik Xabier Ugartemendia ekintza sindikaleko eta negoziazio kolektiboko arduradunak hartu du parte. Berriro eskatu du oinarrizkoak ez diren jarduera guztiak eteteko, eta oinarrizkoetan ari diren langileei segurtasun neurri guztiak bermatzeko. Ugartemendiak ez du bilera gustura amaitu: «Gobernuaren eta patronalaren aldetik ez da inolako erantzunik egon. Neurri guztiak patronalari begirakoak izan dira. Berriro ere, Jaurlaritza ahaztu egin da langileez. Biharko Haserre eguna inoiz baino beharrezkoagoa da, eta langile guztiak deitzen ditugu beren etxetik zein lan zentroetatik beren haserrea adieraztera».

CCOO ere kexu da lehen bileran egindako proposamenak ez direla kontuan hartu: horien artean, gutxieneko diru sarrera batzuk bermatzea lana galdu duten langile guztiei —9.000tik gora, Lanbideren arabera—, baita zaintza lanak egiteko beren lanaldia murriztu eta eten behar izan duten guztiei ere.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 400 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Lantegiak itxita, Basaurin. ©Marisol Ramirez / Foku

Kutsatzeko kezka dute Arabako, Bizkaiko eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek Sanchez babestu du, baina uste du hobe litzatekeela jarduera ekonomikoa ez geratzea eta erabaki hori malgutzea.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Ospitale bateko larrialdietako sarrera ©Jon Urbe / Foku

Koronabirusa zuten 400 pertsona hil dira Euskal Herrian, eta 8.225 pertsona kutsatu

Irati Urdalleta Lete

50 pertsona hil dira atzotik, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna