Noiz sortua: 2020-03-28 11:44:34

Jarduera ekonomikoa

Hego Euskal Herria "erabat ixtea" gomendatu dute

Aditu talde batek eman du gomendioa, kasu kopurua ikusita. Diagnostikaturiko 300.000 kasu egongo dira asteburu honetan Europako Batasunean.

Sindikatuek atzo deituriko protesta, Sidenorren Basaurin. /
Sindikatuek atzo deituriko protesta, Sidenorren Basaurin. / Marisol Ramirez/Foku Tamaina handiagoan ikusi

Edu Lartzanguren -

2020ko martxoak 28

Ikertzaile talde batek Hego Euskal Herria "erabat ixtea" gomendatu du The Lancet aldizkarian argitaraturiko artikulu batean. "A motako guneek (≥100 kasu 100.000 biztanleko azken zazpi egunotan) erabateko itxialdia ezartzea gomendatuko genuke, oinarrizko zerbitzuak izan ezik (erietxeak, osasungintza eta ikerketa zentroak) gutxienez 15-21 egunerako". Hego Euskal Herria aipatzen dute itxi beharreko gune horien artean. Oriol Mitja, Joe Brew eta Jose M. Benlloch ikertzaileek sinatu dute txostena, besteak beste.

Adituok gogor kritikatu dute Espainiako Gobernuak izurriaren aurrean izaniko jarrera. "Kezka" adierazi dute Madrilek harturiko "neurri mugatuekin". Adituen arabera, mugimendua erabat mugatu beharko litzateke, eta lana eten. "Ezinbestekoak ez diren jarduera ekonomiko oro" debekatzearen aldekoak dira ikertzaileok, eta gogoratu dute "diagnostikorako probak intentsiboki" erabiltzeak emaitza onak ekartzen dituela.

Europan 300.000 kasu

Kataluniako Unibertsitate Politeknikoko matematikari talde batek izurriaren garapena aurreikusteko modelo bat landu du, eta emaitzak oso kezkagarriak dira: Asteburu honetan, 300.000 pertsona egongo dira COVID-19 gaitzarekin diagnostikaturik Europako Batasunean (230.000 zeuden atzo). Katalunian 19.000ra helduko dira (14.263 ziren atzo), eta Espainian, 90.000ra (64.059 ziren atzo).

Ikertzaileek azaldu dutenez, herrialdeen hilkortasun tasa ezberdina izan daiteke adin taldeen proportzio ezberdina dutelako, bakoitzaren osasun sistemaren ahamenarengatik, eta diagnostikatzeko eginiko proba tasarengatik. Azaldu dutenez, Italian kontrolatuta daukate izurriaren zabalkundearen abiada; Espainian, ordea, ez.

Txinan harturiko neurriak goraipatu dituzte ikertzaileok, eta ohartarazi dute Europan ere, Asiako herrialdean bezala, normaltasunera poliki eta epeka itzuli beharko da, gaitza berriz zabal ez dadin.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna