Espainiako Gobernuak ezetz esan dio Urkulluri

Maria Jesus Montero eledunak esan du Madrilek ezin duela "bereizketarik egin" erkidego autonomoen arabera

Maria Jesus Montero, Espainiako Gobernuaren eleduna, gaurko agerraldian. EFE
Edu Lartzanguren.
2020ko martxoaren 29a
16:46
Entzun

Eusko Jaurlaritzako lehendakariak gutun bat bidali zion atzo Pedro Sanchez Espainiako presidenteari, eta eskatu zion autonomia erkidego bakoitzak erabaki ahal izatea zeintzuk diren jarduera kritikorako lagungarriak eta beharrezkoak diren jarduerak eta enpresak. Maria Jesus Montero eledunak erantzun dio Madrilek ezin duela "bereizketarik egin" erkidego autonomoen arabera.

Horri buruz galdetu diote eledunari gaur arratsaldeko prentsaurrekoaren ondoren. Monterok ez du Urkullu aipatu, baina esan du erkidego autonomoetako presidente guztiek bete behar dutela agindua, eta denek neurri berean. Gaineratu duenez, ez litzateke "eraginkorra" izango agindua leku batzuetan betetzea eta besteetan ez. "Batera aritzea funtsezkoa da: ezin dugu bereizketarik egin".

Monteroren arabera, Urkulluk eskaturikoak "ez du zentzurik", birusa zabaltzen delako lurraldeak edo ekonomia mailak "bereizi gabe". Gaineratu duenez, Madrilek "neurri homogeneoak" ezarriko ditu.

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.