Noiz sortua: 2020-03-29 17:33:14

Arnaldo Otegik esan du Madrilen neurriak "berandu" heldu direla

Alderdi, sindikatu eta enpresaburuen mahai bat osatzeko eskatu du, krisitik ateratzeko estrategia bat eratzeko, eta langileek ez ditzaten kalteak ordaindu

Arnaldo Oregi, artxiboko irudi batean.
Arnaldo Oregi, artxiboko irudi batean. Jon Urbe / Foku Tamaina handiagoan ikusi

Edu Lartzanguren -

2020ko martxoak 29

Pedro Sanchezek lan jarduera eteteko erabakia hartu du "egoerak behartu duelako, leku batzuetan osasungintzaren kolapsoa dagoeneko gertatu delako", esan du Arnaldo Otegi EH Bilduko koordinatzaile nagusiak. Otegiren arabera, "inprobisatzen ari dira, berandu eta gaizki, estrategia argirik gabe".

Horrez gain, euskal herritar askori eragiten dieten erabakiak Madrilen hartzea gaitzetsi du. "Euskal herritarrok ez gara adingabekoak".

Alderdiek, sindikatuek, enpresaburuek eta gizarte eragileek mahai bat osatzea proposatu du, krisiari aurre egiteko estrategia erabakitzeko. Agindu duenez, EH Bilduk eskatuko du krisia ez dezatela langileek eta pentsiodunek "berriz" ordaindu.

"Mintzaleku hori izan bagenu, gauzak lehenago eta beste modu batera egingo genituzkeen". esan du. "Egunen batean hitz egingo dugu Europako autogobernurik handienaren inguruan, horren benetako izaera ikusten ari baikara".

Birusa ez zabaltzeko ahaleginek lehentasun izan behar dutela adierazi du, horrek emango duelako gero aukera ekonomiaren krisiari aurre egiteko. "Mailuaren estrategia behar dugu, birusaren zabalkundea kolpatzeko". Horretarako erabateko konfinamendua ezinbestekoa dela berretsi du. Horrez gain, krisiak gizartean eragingo dituen kalteak arintzeko "saihesbide" bat behar dela adierazi du. "Diru publikoa pertsonen, familien, langileen eta enpresen kostu finkoen zerbitzura jarri behar da".

Infekzio tasa jaistea da lehen helburua, Otegiren arabera. Erantsi du gero proba asko egin beharko direla konfinamendu neurriak apurka kenduz joateko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna