Alokairu kontratuak luzatu eta etxegabetzeak geldituko ditu Espainiako Gobernuak

Espainiako koalizio gobernuko bi alderdiak ados jarri dira alokairuei buruzko dekretuan. Bihar Ministroen Kontseiluak onartuko duen proposamenak sei puntu ditu: besteak beste, familia zaurgarrien etxegabetzeak gelditu egingo dira sei hilabetez, eta lehen etxebizitzen alokairuen kontratuak sei hilabetez luzatuko dira, hots, ez dute igoerarik izango. Etxejabe handien maizterrei zorraren erdia barkatzeko aukera ere aipatzen da.

Jose Luis Abalos, Espainiako Garraio ministroa, joan den asteko argazkian.
Jose Luis Abalos, Espainiako Garraio ministroa, joan den asteko argazkian. Mariscal / EFE Tamaina handiagoan ikusi

Irune Lasa -

2020ko martxoak 30

Negoziazio biziak izan dira Espainiako Gobernuaren barruan, eta, azken berrien arabera, ados jarri dira Jose Luis Abalos Garraio ministro sozialistaren taldea eta Unidas Podemos. Horrela, biharko Ministroen Kontseiluak dekretu proposamena onartuko du, koronabirusak eta larrialdiak kalte egindako maizterrei laguntzeko neurriekin. 

Sei dira akordioaren puntu nagusiak. Etxegabetzeei dagokienez, familia «zaurgarriak» babestuko dira. Beste bizitokirik topatzeko aukerarik ez duten familia kalteberen etxegabetze prozedurak eten egingo dira, alarma egoera amaitzen denetik hasi eta sei hilabeteko tartean. 

Beste erabaki bat  iraungitzear edo aldatzear zeuden alokairu kontratuei buruzkoa izango da. Lehen etxebizitzako alokairu kontratuentzat aparteko sei hilabeteko luzapen bat ezarriko du gobernuak. Horrek esan nahi du, besteak beste, datorren urte erdian etxejabeek alokairurik ezingo dietela igo maizterrei, alokatutakoa haien lehen etxebizitza bada. 

Interesik gabeko mikromaileguak izango dira alokairuak ordaintzeko zailtasunak dituztenei laguntzeko beste modu bat. Maizter zaurgarriek interes eta komisiorik gabeko mikromaileguak eskatuko ahalko dituzte. Sei urteren buruan itzulita izan beharko lukete mailegu hori, baina ezin izan badute, lau urteko beste epe bat gehituko zaie. 

Dena den, berez zaurgarritzat joko ez liratekeen maizterrentzat ere zabalduko da mikromaileguen bidea, hala nola langabezian daudenentzat, aldi baterako erregulazioan daudenentzat, eta sarrera jakin batzuetara iristen ez diren autonomoentzat. 

Alokairua barkatzea 

Espainiako Gobernuaren dekretuak bereizi egingo ditu etxejabe handien maizterrak eta txikienak. Horrela, etxebizitzen jabeak inbertsio funtsak, aktibo kudeatzaileak, finantza entitateak edo  higiezinen konpainiak badira, maizterrek zorraren erdia ordaindu gabe uzteko aukera izango dute, etxejabe handi horren kontura, edo zorra berregituratzeko aukera bizpahiru urtetan. Edonola ere, maizter horiek ICOren mikromaileguak ere izango dituzte eskura. 

ICOren mikromaileguak itzultzeko gai ez diren familiek estatuaren zuzeneko laguntzak izango dituzte zor hori kitatzeko. Laguntza hori gehienez 900 eurokoa izango da hileko.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna