Noiz sortua: 2020-04-01 17:21:19

Lana erregulatzeko 26.600 txosten aurkeztu dituzte Hego Euskal Herrian

166.000 langile ingururi eragingo die.

Herrialdeka, Bizkaian aurkeztu dituzte dosier gehien.
Herrialdeka, Bizkaian aurkeztu dituzte dosier gehien. Marisol Ramirez / Foku Tamaina handiagoan ikusi

Jon O. Urain -

2020ko apirilak 1

Koronabirusari aurre egiteko neurrien artean, Espainiako Gobernuak erraztasunak eman zizkien enpresei lana aldi baterako erregulatzeko txostenak aurkeztu zitzaten, eta horien inguruko informazioa zabaldu dute Nafarroako Gobernuak eta Eusko Jaurlaritzak. Horien arabera, 26.600 dosier aurkeztu dituzte azken asteetan, eta horiek 166.000tik gora langilerengan izango dute eragina.

Lurraldeka, Bizkaian aurkeztu dira gehien: 10.945. Horietan 69.101 behargin daude sartuta. Gipuzkoan, berriz, 7.052 erregistratu dituzte, eta 45.885 langileri eragin die.

Nafarroako Gobernuak jakinarazi duenez, lurralde horretan 5.600 enpresak aurkeztu dituzte txostenak; Jose Mari Aierdi gobernuko presidenteordearen arabera, 22.000 langileri eragin die neurriak, eta azaldu du aste honetan ez direla hainbeste dosier aurkeztu, horiek erregistratzen jarraitzen badute ere.

Araban, 2.998 enpresak aurkeztu dituzte txostenak, eta 29.287 lagun geratu dira lanik gabe. Araban, Bizkaian eta Gipuzkoan, egun bakarrean 844 gehiago aurkeztu dira, eta 5.043 behargin geratu dira aldi baterako lanik gabe, eta, batez beste, dosierrak aurkeztu dituzten enpresetako langileen %84 kaleratu dituzte aldi baterako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna