Noiz sortua: 2020-04-03 11:37:53

Euskal Herriko konfinamenduaren erretratua egin du Googlek

Sakelako telefonoen kokapena aztertuta, larrialdi egoerak euskal herritarrak nola itxi dituen oso modu grafikoan ikusten da Googleren datuetan.

Google Tamaina handiagoan ikusi

Edu Lartzanguren -

2020ko apirilak 3

Google konpainiak gaur argitaratu duen azterketa baten bidez, oso nabarmen ikus daiteke konfinamenduan munduko biztanleen mugikortasunari nola eragin dion. AEBetako konpainiak telefonoetako kokapena bildu du 131 herrialdetan.

Googlek adierazi duenez, datuok anonimo daude, eta ezinezkoa da gizabanakoak non egon diren ondorioztatzea horien bidez. Euskal Herriko egoera ikus daiteke, hein handi batean, Googlek eskualdez eskualdeko grafikoak argitaratu dituelako. Araba, Bizkaia eta Gipuzkoakoak multzo batean jarri ditu, eta Nafarroakoak beste batean. Zoritxarrez, Iparraldekoak ez ditu bereizi, eta Akitania Berriko multzoan jarri ditu.

Oso nabarmena da konfinamenduak Euskal Herrian izan duen eragina. Hainbat leku multzotan banatu da ikerketa. Horietako bat Dendak eta aisialdia da, eta kategoria horietan sartzen diren lekuetan jaitsiera handia sumatzen da, logikoa denez. Ohiko zenbakiekin parekatuta, %98 jaitsi da han kokaturiko telefono kopurua EAEn, %93 Nafarroan, eta %86 Akitania Berrian. Jaitsiera txikiagoa da Iparraldean, konfinamendu neurriak beranduago agindu zituelako Parisek.

Interesgarriagoak dira Elikagaiak eta botika kategoriako datuak. Izan ere, hor igoera handia sumatzen da konfinamenduaren aurreko egun eta orduetan, jende askok erosketak egin zituelako konfinamendua indarrean jarri aurretik. Gero, ordea, asko jaitsi da elikagai eta oinarrizko produktuen eta botiketan ibili den jende kopurua: %77 Nafarroan, %76 Akitania Berrian eta %77 EAEn.

Parkeak atalean, igoera ikusten da, erabateko jaitsiera sumatu arretik. Ziurrenera, igoera eskolak ixteko aginduaren eragina jasotzen du, konfinamendu orokorra ezarri aurretik.

Garraio guneak eta Lan lekuak kategorietan espero daitekeena erakusten dute Googlen datuek. Edonola ere, lantokien datuetan ikusten da jaitsiera ez dela beste kategorietan bezain handia: %63 EAEn, %61 Nafarroan eta %53 Akitania Berrian.

Logikoa denez, igoera erakusten duen kategoria bakarra Etxebizitzak da: %23 Nafarroan, %22 EAEn eta %18 Akitania Berrian.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

<b>Bisitak.</b> Senideen eta egoiliarren arteko bisitak, atzo, Andoainen. ©BERRIA

Egoiliarrak eta senideak, hormaren alde banatan

Irati Urdalleta Lete

Gipuzkoako zahar etxeetan dauden egoiliarren senideak ezin dira barrura sartu, eta atarian ari dira bisitak egiten, horma batek bereizita. Orain arteko egoera ikusita, gustura daude aurrez aurre egoteko daukaten aukerarekin.

Senideak, Iruñeko Erruki Etxearen kanpoaldean, egoiliarrak bisitatzen. / ©Jesus Diges, EFE

Egoiliarra ardatz duen zaintza eredua bultzatu nahi dute Nafarroan

Joxerra Senar

Zahar etxeetako eta beste gizarte zerbitzuetako egoitzak arautzeko dekretuaren zirriborroa aurkeztu du Nafarroako Gobernuak. Etxe baten antz handiagoa izango duen eredu bat lortu nahi dute aldaketekin

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna