Albistea entzun

Helin Bolek abeslari turkiarra hil da, jazarpen politikoaren aurkako gose greban

Grup Yorum taldeko kideak 288 egun igaro ditu greban, espetxeratutako haren kideen askatasuna eskatzeko.

Helin Bolek, Grup Yorum taldeko kidea eta errepresioaren aurkako ekintzailea.
Helin Bolek, Grup Yorum taldeko kidea eta errepresioaren aurkako ekintzailea. EP Tamaina handiagoan ikusi

Ane Eslava -

2020ko apirilak 3

Helin Bolek turkiarrak 28 urte zituen, eta Grup Yorum folk musika taldeko abeslaria zen. Ibrahim Gokcek kidearekin batera hasi zuen gose greba. Haien eskaerak ziren taldeko zazpi kideren askatasuna, haien aurkako atxilotze aginduen deuseztatzea, eta taldearen kontzertuen debekuaren zein haien entseatzeko tokiaren, Idil kultur gunearen, aurkako sarekaden amaiera.

«Ez zein hain zaila eskaera horiek betetzea. Justizia eta Garapena alderdiaren faxismoak haren heriotza eragin du», salatu du taldeak berak Twitter bidez, Recep Tayyip Erdogan presidentearen alderdiari erreferentzia eginez. Gokcekek ere bat egin du salaketarekin, bideo bidez: «28 urteko neska bat hil duzue», adierazi du.

Grup Yorum taldea 1985ean sortu zuten, Istanbulen. Ordutik, taldearen osaketa aldatuz joan da etengabe: dozenaka lagunek osatu dute. Euren letren mezu sozialista eta antiinperialistengatik nabarmendu dira, bai eta folklore kurdu eta turkiarra konbinatzeagatik ere. 1990eko hamarkadan egin ziren bereziki ezagun.

Etenik gabeko errepresioa

Hasieratik, jazarpen politikoa pairatu dute, eta 2016tik, 30 bat kide atxilotu dituzte, eta poliziak hamar aldiz esku hartu du entseatzen duten kultur gunean. Izan ere, Turkiako Gobernuak dio taldeak lotura duela «erakunde terroristatzat» duen DHKP-C Askapen Nazionalerako Alderdi-Fronte Iraultzailearekin.

Iragan martxoaren 11n, indarrez ospitaleratu zituzten Bolek eta Gokcek, baina haiek uko egin zioten tratamenduari, eta astebete geroago alta eman zieten.

Milaka lagunek doluminak adierazi dituzte sare sozialetan abeslariaren heriotzarengatik, eta Turkiako Gobernuari eskatu diote amaitu dezala musika taldearen aurkako errepresioarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Anari Alberdi. ©JABOGA MANTEROLA / FOKU

Prosaz haragoko udazken bat

Iñigo Astiz

Anari Alberdiren liburua da udazkeneko literatur nobedaderik deigarrienetako bat, baina Agirreren, Epaltzaren eta Ibarzabalen nobelak, Zalduaren ipuinak eta komiki esanguratsuak ere badira tartean
 ©ANDONI CANELLADA / FOKU

«Oraindik ez naiz igandeko zurrunbilotik guztiz atera»

Miren Mujika Telleria

Joanes Illarregi izan zen nagusi Bertsolari Txapelketa Nagusiko bigarren kanporaketan. Eta, hain zuzen ere, garaipen horrek berak eman dio finalaurrekoetarako aukera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...