Musika

John Prine folk eta country musikaria zendu da

Orain dela bi aste ospitaleratu egin zuten, koronabirusagatik. 73 urte zituen

John Prine.
John Prine. Berria Tamaina handiagoan ikusi

Berria -

2020ko apirilak 8

Folkaren, countryaren eta molde goxoko rockaren arteko bidegurutzean mugitu zen John Prine kantari eta konpositore estatubatuarra (Illinois, 1946), eta, nahiz eta ez zen inoiz izan, arrakasta eta oihartzun mediatikoari begira, lehen lerroko artista, musikari askok aitortu diote egindako lana, eta haiengan izandako eragina. Azken asteetan, erietxean izan da Prine, eta, haren senideek gaur goizean jakinarazi dutenez, azkenean ezin izan dio COVID-19 gaitzari aurre egin ahal izan.

Prine 1960ko hamarkadaren amaieran hasi zen Chicagoko taberna eta klubetan jotzen, eta, Kris Kristofferson Nashvilleko folk eta countryaren babesari esker, 1971n bere lehenengo diskoa argitaratu zuen: John Prine. Musikariak lan horretatik bertatik erakutsi zuen gaitasun handia zuela AEBetako gizartearen orduko kezkak azaleratzeko, hala nola Vietnamgo gerraren ondorioak, krisi ekonomiko eta soziala, agintariekiko mesfidantza...

Ez zen inoiz artista arrakastatsua izan, baina, hasiera-hasieratik, Prinek musika munduko kideen miresmena bereganatu zuen. Gainera, interpretea ez ezik, konpositore bikaina ere bazela aitortu zioten. Hain zuzen ere, Kristoffersonek berak, Joan Baezek eta Johnny Cashek haren kantuak kantatu zituzten, noiz edo noiz. Eta Bob Dylanek honako hau esan zuen hari buruz: «Prineren obra Prousten estiloko existentzialismoa da [...] Eta kantu ederrak egiten ditu».

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna