Noiz sortua: 2020-04-09 13:14:17

Egun beltzenetan bigarrena izan da asteazkena, hildako kopuruari dagokionez

Gutxienez 59 pertsona hil dira Euskal Herrian koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

Gasteizko farmazia bat. /
Gasteizko farmazia bat. / Endika Portillo/Foku Tamaina handiagoan ikusi

Ekhi Erremundegi Beloki - Ane Eslava -

2020ko apirilak 9

Hildako kopuruak gora egin du berriro. Apirilaren 1etik beherakada bat izaten ari zela bazirudien arren, azken bi egunetan gora egin du, eta, krisia hasi zenetik, asteazkenekoa hildako gehien egon diren bigarren eguna izan da. 59 pertsona hil dira azken 24 orduetan Hego Euskal Herrian. Kopuru hori soilik apirilaren 1ean gainditu zen, 61 hildakorekin. Gainera, 462 positibo atzeman dira. Datu horiekin, 13.406 dira diagnostikatutako kasuak Euskal Herrian, eta hildakoak 905 dira.

Atzo 20:00etan egindako kontaketaren arabera, Araban 2.868 (+62), Bizkaian 5.182 (+214), Gipuzkoan 1.756 (+78) eta Nafarroan 3.575 (+108) dira positiboak. Nekane Murga Eusko Jaurlaritzaren Osasun sailburuaren erranetan, "ahalegin handia" egiten ari dira kasuak goiz detektatzeko: guztira 26.204 test egin dituztela erran du; atzo 1.780, eta horietarik %21 baizik ez zuen positibo eman. Murgak uste du horrek "joera aldaketa" erakusten duela. Ondoko egunetan test gehiago egiteko asmoa erakutsi du.

Positibo eman duten kasu berrien kopuruak beherantz jarraitzen du. 543 izan ziren atzo, eta gaur, berriz, Hegoaldean 462 dira. Nafarroa %3,1eko igoera izan du, baina izurritea hasi zenetik izan den hazkunderik txikiena izan da. Nafarroan hil direnen batez besteko adina 81 urtekoa da. Nafarroan 1.526 pertsona ospitaleratu behar izan dituzte aste hauetan koronabirusarengatik; horietatik 124, Zaintza Intentsiboetako Unitatean. Azken egunean 32 gehiago ospitaleratu dituzte, eta beste 73k sendagiria jaso dute. Gainera, hirugarren egunez jarraian, ez dute inor ZIUn sartu. Hala, ospitaleratutakoen kopuruak beheranzko joerari eusten dio.

Jaurlaritza, test azkar bat prestatzen

Halaber, Koronabirusaren test laster bat prestatzen ari dira adierazi du Jaurlaritzak. Helburua: «Koronabirusa hautematea paziente sintomatikoen eta asintomatikoen lagin klinikoetan oligonukleotidoen zunda erabiliz». Gaixotasuna hautemateko proba "azkarra, segurua eta merkea" da Murgaren hitzetan.Hautemate-mekanismoa haurdunaldi testa egiteko erabiltzen denaren «oso antzekoa» dela adierazi du.

Orotara, gisa bereko 60 proiektu lantzen ari da Eusko Jaurlaritza Murgaren hitzetan, nagusiki, koronabirusak eragindako pneumoniaren tratamendura, birusaren azterketa epidemiologikora, diagnostiko goiztiarrera edo gaixotasun honek duen inpaktu sozioekonomikora bideratuak.

Ertzaintza eta Udaltzaingoen kontrolak

Estefania Beltran de Heredia Eusko Jaurlaritzako sailburuaren hitzetan, Ertzaintzak eta Udaltzaingoek kontrola areagotu dituzte azken egunetan, Aste Santuan mugimenduak eragozteko. Zenbakiak ere eman ditu: 83.000 ibilgailu gelditu dituzte orain arteko kontroletan, eta 49.000 pertsona identifikatu dituzte. Guztira 12.000 isun jarri dituzte "udaltzain eta ertzainen esanak ez betetzeagatik".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna