Noiz sortua: 2020-05-05 09:36:03

LANGABEZIA

Apiril amaieran 13.507 langabe gehiago zeuden Hegoaldean

Gizarte Segurantzak beste 23.000 kotizatzaile galdu ditu apirilean, eta ia 31.000 dira krisia hasi zenetik.

Iruñeko Gaztelu plaza eta hango tabernak, hutsik.
Iruñeko Gaztelu plaza eta hango tabernak, hutsik. Idoia Zabaleta / Foku Tamaina handiagoan ikusi

Jon O. Urain -

2020ko maiatzak 5

Koronabirusaren krisiaren lehen kolpea bezain gogorra izan da bigarrena. Martxoan, 14.364 langabe gehiago izan zituzten Lanbiden eta Nafar Lansaren, eta, apirilean, beste 13.507 batu zaizkie. Kopuru bata zein bestea okerrenak dira serie historikoan.

Bien batura ia 28.000 lagun dira, eta ez dago hortik urruti Gizarte Segurantzak azken bi hilabeteetan Hego Euskal Herrian izan duen zuloa: 31.000 lagunek utzi diote kotizatzeari.  

Kolpea oso handia da —Atzeraldi Handian halako txikiziorik ez zen gertatu bi hilabetean—, baina are bortitzagoa izango zen baldin eta enpresa gehienek ez balute aldi baterako enplegu erregulazioetara jo itxialdiak jarduera ekonomikoa geratu zenean. Gizarte Segurantzaren datuen arabera, apirilaren 30ean 187.737 langile zeuden aldi baterako erregulazioan Araban, Bizkaian, Gipuzkoan eta Nafarroan.

Nafarroa: 40.442. Martxoan baino 3.077 gehiago (+%8,23) eta iazko apirilean baino 7.861 gehiago (+%24,13).

Araba: 23.403 langabe. Martxoan baino 1.955 gehiago (+%9,12) eta iazko apirilean baino 4.290 gehiago (+%22,45).

Bizkaia: 78.061 langabe. Martxoan baino 5.393 gehiago (+%7,42) eta iazko apirilean baino 11.772 gehiago (+%17,76).

Gipuzkoa: 37.179 langabe. Martxoan baino 3.082 gehiago (+%9,04) eta iazko apirilean baino 6.937 gehiago (+%22,94).

Generoka, emakume gehiago daude langabezian; 98.784 dira ordaindutako lanik ez duten andreak, eta 80.301 gizonezkoak. Sektoreka, berriz, langabeziak zerbitzuak jo ditu gogorren: apirilean lanik gabe geratu direnen 10.097 ziren sektore horretakoak, eta 1.734 industria arlokoak. Nekazaritzan, berriz, apenas hazi den langabe kopurua (+23), Araban eta Nafarroan jaitsi egin baita.

Apiril osoan 39.651 kontratu egin zituzten Hego Euskal Herrian —horietatik 2.974 izan ziren mugagabeak—; martxoan baino 41.249 gutxiago eta iazko apirilean baino 54.790 gutxiago.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna