Noiz sortua: 2020-05-08 10:31:25

GIZA ZIENTZIAK

Mikel Manzisidorrek jasoko du Eusko Ikaskuntza-Laboral Kutxa saria

Gazteentzako deialdian, Alexander Gurrutxagaren eta Joana Otxoa de Alaizaren Aberriaren poeta kantaria. Xabier Leteren obraren berrirakurketa bat proiektuak eskuratu du saria.

Mikel Mancisidor.
Mikel Mancisidor. / Eusko Ikaskuntza Tamaina handiagoan ikusi

Jon O. Urain -

2020ko maiatzak 8

Eusko Ikaskuntzak eta Laboral Kutxak eman dute Eusko Ikaskuntza-Laboral Kutxaren Humanitateen, Kulturaren, Arteen eta Gizarte Zientzien Sariaren eta Gazte Sariaren 2020ko epaia. Aurrenekoa Mikel Manzisidorrek jaso du; epaimahaiaren arabera, Nazio Batuen Erakundean Giza Eskubideen Nazioarteko Zuzenbidearen garapenean euskal eragilerik garrantzitsuenetako bat da Manzisidor, Rene Cassinez geroztik.

Epaimahaiaren ustez, «bereziki aipagarria da Nazioarteko Zuzenbidean bi alorretan egindako ekarpena: gizakiak ura izateko duen eskubidean eta gizakiaren zientziarako eskubidean». Gainera, «bere ekarpena Amerika, Europa eta Euskal Herriko unibertsitateetan izandako jarduerarekin bateratu du, gizarteratze eta dibulgazio lanekin, bai eta mundu guztian zehar egindako lankidetza, laguntza humanitario eta giza eskubideen defentsarekin ere».

«Bere zorroztasun intelektual, zintzotasun, berrikuntzarako gaitasun eta ardurari esker, Mikel Manc

zisidor mundu globalean Giza Eskubideen garapenerako erreferente nabarmena da», erantsi du epaimahaiak, eta nabarmendu Manzisidorren «etorkizuneko proiekzioa, gaur egun inoiz baino garrantzitsuagoa den esparru horretan sakontzeko eta horretan laguntzen jarraitzeko».

Leteren berrikusketa

Bestalde, Alexander Gurrutxaga eta Joana Otxoa de Alaizak osatutako taldeak eskuratu du Eusko Ikaskuntza-Laboral Kutxa Gazte Saria Aberriaren poeta kantaria. Xabier Leteren obraren berrirakurketa bat lanarengatik. Hala erabaki du aho batez epaimahaiak. Lanak poeta eta kantariaren obraren berrirakurketa bat egitea du helburu, publiko berrietara heltzeko; horretarako, artistaren obraren inguruko errezital musikatu bat ondu, eta disko-liburu formatuan argitaratuko dute 2020-2021eko epealdian.

Gurrutxagak eta Otxoa de Alaizak 31 urte dituzte. Gurrutxaga doktorea da euskal literaturan, eta, hain zuzen, Xabier Leteren poetikaren inguruan landu zuen doktore tesia. Otxoa de Alaiza Pianoko lizentziaduna da, eta musikaren alorra sakon landu du azken urteotan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna