Albistea entzun

Ingurumena

Errauste plantak Arkaitzerrekan isurketaren bat egin duen ikertzen ari da Uraren Agentzia

Ehunka arrain agertu dira hilda Zubietan erraustegitik behera doan errekan.

Jon Ordoñez Garmendia -

2020ko maiatzak 10 15:17

Erraustegiaren Aurkako Mugimenduak salatu duenez, ehunka arrain agertu ziren hilda atzo Arkaitzerrekan, Zubietan (Gipuzkoa) errauste plantatik behera doan errekan. "Erreka hilda" dagoela salatu dute, eta salaketa bat aurkeztuko dute epaitegietan. Atzo goizean agertu ziren lehen arrainak hilda, eta eguerdian Uraren Euskal Agentzia han izan zen laginak hartzen. Errauste plantan ere izan ziren uraren agentziakoak, eta han ere laginak hartu zituzten.

Josu Perea Uraren Agentziako ordezkari batek gaur Euskadi Irratian azaldu duenez, errauste plantak errekara euri ura botatzeko baimena du, baina aurretik tratatu egin behar dituzte; euri urak ez baitira soilik teilatura doazenak, Erraustegiaren Aurkako Mugimenduko kide batek BERRIAri adierazi dioenez: "Baita kanpoan lurrera erortzen den ura ere". Pereak gaineratu du lurzorua zikin baldin badago euri urak kutsatuta joan daitezkeela errekara.

GHK Gipuzkoako Hondakinek Kontsortzioak, errauste planta kudeatzen duen erakundeak, gaur goizean ukatu egin du, ohar baten bidez, isurketarik egin izana, eta argudiatu du zirkuitu itxia dagoela errauste plantan erabiltzen den urarentzat. Esan du euri ura soilik isurtzen dela errekara, eta hori egiten dela jasotako urak gainezka egiten duenean. Auzia uraren agentziaren esku dagoela dio.

Erraustegiaren Aurkako Mugimeduko kide horrek azaldu duenez, ordea, nahikoa ziur daude isurketaren jatorria errauste plantan edo TMB plantan dagoela, han inguruan ez baitago beste jarduerarik. Are eta gehiago, bada han ondoan beste erreka bat, Lizardi, Arkaitzerrekarekin Artzabaleta baserrian elkartzen dena, eta horretan ez da inongo arazorik izan. Bi errekak elkartu eta Oriara doaz aurrerago.

Laginen zain, ikerketa osoa abiatzeko

Perezek azaldu du errekako laginak aztertuko dituztela, eta aste bat edo bi barru horrek emandako datuen arabera hasiko dela ikerketa oso bat. Erraustegiaren Aurkako Mugimenduak ere hartu ditu uraren eta arrainen laginak, eta aztertzera bidaliko dituzte. Zer isuri mota izan den aurreikusi, eta horren arabera egingo dute.

Mugimenduko kide horrek BERRIAri azaldu dio edozer gauza izan litekeela isurketaren jatorria: kamioi bat garbitzeko erabili den ura, hondakin organikoa kanpoan utzita atera dena edo bidoi bat edo edukiontzi bat erori ostean isuri eta errekan amaitu dena. Perezek ez du hipotesirik aurreratu nahi izan, baina baieztatu du atzo errauste plantaren instalazioak ikuskatzen izan zirela. Gaur ere joan dira errekara uraren agentziakoak.

Errekara soilik euri ura isurtzeko baimena du errauste plantak, baina aurretik tratatu egin behar dute. Perezek azaldu du euri ura ere kutsatuta egon litekeela errauste plantatik pasatu ondoren eta horregatik tratatu behar dela errekara isuri aurretik, "solidoak eta flotatzaileak kenduz".

GHK-k bere oharrean esan du aurretik horrelakoak gertatu direnean frogatu dela erruaste plantak ez duela zerikusirik izan. Kazetariak galdetuta ea errauste planta eraiki aurretik horrelakorik gertatu den, Pereak erantzun du berak ez duela gogoan eta Erraustegiaren Aurkako Mugimenduko kideak BERRIAri baieztatu dio aurretik ez dela horrelakorik inoiz izan inguru horretan.

Salaketa jartzeko, Eguzki, Greenpeace eta Ekologistak Martxan-ekin jarriko da harremanetan Erraustegiaren Aurkako Mugimendua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Hego Euskal Herriko ostalariek aukera izanen dute 22:00ak arte irekitzeko. ©IÑIGO URIZ / FOKU

Euskal Herri osoa arintze fasean izanen da bihartik aurrera

Ion Orzaiz - Mikel P. Ansa - Paulo Ostolaza

Jaurlaritzak neurri murriztaile gehienak arindu ditu, epaileen irizpideei men eginda. Hegoalde osoan libre izanen dira joan-etorriak. Txibitek ostalaritza irekitzeko plana aurkeztu du

Berhokoirigoin, bakegileen ekitaldi batean. ©Bob Edme

Mixel Berhokoirigoin hil da

Berria

Gaixotasun larri baten ondorioz zendu da. Euskal Herriko Laborantza Ganberaren sustatzaile eta lehendakari izan zen, eta azken urteetan Bakegile ezagunetako bat. 

→ Berria jakin eta berahala zabaldu dira atsekabe mezuak

→ Berhokorigoinen ibilbidea, argazkitan.

→ Haren hitzetan, BERRIAn egindako elkarrizketen bilduma.

Donostiako ospitaleko larrialdietako sarrera. ©GORKA RUBIO / FOKU
‘COVID-19aren Liburu Zuria’-ren aurkezpena, atzo, Bilbon. ©Aritz Loiola, Foku

Aro beltzerako liburu zuria

Gotzon Hermosilla

Zenbait arlotako 40 ikerlarik baino gehiagok 'COVID-19aren Liburu Zuria' aurkeztu dute. Jakintza arlo askotatik aztertu nahi izan dute pandemiak ekarritako egoera. 175 proposamen zehatz egin dituzte, «datuetan oinarrituta»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.