Noiz sortua: 2020-05-13 12:01:55

Herriko bozak

Maiatzaren 28rako osatuko dira herriko kontseiluak Ipar Euskal Herrian

Maiatzaren 15ean onartuko du dekretua Frantziako Gobernuak, bozen lehen itzuliarekin erabaki ziren herrietarako. Maiatzaren bukaeran argituko dute zer gertatuko den gainerako herrietan.

Martxoaren 15ean iragan zen herriko bozen lehen itzulia
Martxoaren 15ean iragan zen herriko bozen lehen itzulia Guillaume Fauveau Tamaina handiagoan ikusi

Ekhi Erremundegi Beloki -

2020ko maiatzak 13

Martxoaren 15ean iragan zen herriko bozen lehen itzulia Ipar Euskal Herrian, eta horren biharamunean erabaki zuen konfinamenduan sartzea Emmanuel Macron Frantziako presidenteak. Ordutik, lehen itzulian erabakiak izan ziren herriko etxeetan hautetsiek ez dute kargua hartu ahal izan, eta bigarren itzulia bertan behera gelditu da, behin-behinean. Bozen biharamunean, orain arteko herriko kontseiluen karguaren luzapen bat onartu zuen Frantziako Gobernuak dekretu bidez, eta horien gain izan da herrien kudeaketa konfinamendu garaian.

Konfinamendutik ateratzea hasi denetik, badirudi posible izanen dela herriko kontseiluak instalatzea. Hala adierazi zuen atzo arratsaldean Edouard Philippe Frantziako lehen ministroak. «Horietako anitz gehienez ere hamabost bat kidekoak dira. Horregatik, babes neurriak errespetatuz, herriko kontseiluak instalatzeko baldintza egokiak daude». Hori uste du Frantziako Gobernua aholkatzen ari den batzorde zientifikoak, eta hala jakinarazi die Frantziako Gobernuak, asanbleako eta senatuko presidenteei helarazi dien txostenean.

Batzorde zientifikoaren onespena jasota, Frantziako Gobernuak dekretua izenpetuko du maiatzaren 15ean herriko kontseiluen instalazioa arautzeko. Philippek azaldu duenez, maiatzaren 18tik aitzina, herrietako hautetsiek kargua hartuko dute, eta maiatzaren 23tik 28ra, herriko kontseiluak instalatuko dira, auzapezak eta auzapezordeak hautatuta. Babes neurriak errespetatu ahal izateko, herriko kontseiluaren bilkura «edozein lekutan eta herritik kanpo ere» egitea baimenduko du Frantziako Gobernuak.

Bigarren itzulia, ekainean?

Galdera nagusia lehen itzulian erabaki ez ziren herriei dagokie. Frantziako Kontsituzioaren arabera, gehienez ere astebeteko epean egin behar da bigarren itzulia, baina konfinamendu neurriek bertan behera utzi zuten. Epe hori luzatzea onartu zuten Frantziako Asanbleak eta Senatuak. Zehazki, maiatzaren 23ra arteko epea du batzorde zientifikoak bere iritzia emateko: osasun egoerak baimentzen badu, ekainaren 21ean izan liteke herriko bozen bigarren itzulia, baina ezinezkoa bada, bi itzuliak errepikatu beharko lirateke; udazkenera gibelatzea aipatu dute behin baino gehiagotan. Ipar Euskal Herrian, dozena bat herri dira kasu horretan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Ordiziako positiboekin lotutako 48 kasu zenbatu dituzte dagoeneko

Ordiziako positiboekin lotutako 48 kasu zenbatu dituzte dagoeneko

Arantxa Iraola

Maskara erabiltzea derrigorrezkoa izango da Gipuzkoako herri horretan, eta tabernetako jarduna mugatuko dute

Ordiziako Majori kiroldegia, atzo, itxita. ©JUAN CARLOS RUIZ / FOKU

Ordizian, saguari isatsetik berriro heldu nahian

Jon Ordoñez Garmendia

Kaleak hutsik daude, eta kezkak bete ditu Ordiziako etxeak. Itxialdiaren lainoa agertu da, eta penaz eta amorruz bizi dira ordiziarrak fokuan, uztailekoak ez diruditen egun hauetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna