Albistea entzun

Zaldibarko auzia

Zaldibarko zabortegiaren amiltzea aztertuko du Europako Batzordeak, «kasuaren larritasuna ikusita»

Virginijus Sinkevicius Ingurumen komisarioak adierazi du «eskumena duten agintarien» ardura zela hondakindegiko gabeziak «detektatzea, zaintzea eta zigortzea».

Zaldibarko zabortegiko lanak, joan den astean.
Zaldibarko zabortegiko lanak, joan den astean. Andoni Canellada / Foku Tamaina handiagoan ikusi

Maite Asensio Lozano -

2020ko maiatzak 14 09:02

Europako Batzordeak ere ikertu egingo du zer gertatu zen otsailaren 6an Zaldibarko (Bizkaia) Verter Recycling zabortegian, hau da, zergatik amildu ziren milaka tona hondakin, Alberto Sololuze eta Joaquin Beltran langileak azpian utzita. PPko eta Ciudadanoseko eurodiputatuek eginiko galderei erantzunez, Virginijus Sinkevicius Ingurumen komisarioak adierazi du agintari eta epaitegi «nazional edo erregionalen» ardura dela ea zabortegian arau hausterik izan zen egiaztatzea, «baina kasuaren larritasuna ikusita, Batzordeak aztertu egingo du, eta Espainiako autoritateekin harremanetan jarriko da». Galderei erantsitako informazioari erreparatuta, Sinkeviciusek aitortu du «gabezia esanguratsuak» antzeman daitezkeela: «Arloan eskumena duten agintariek eta auzitegiek horiek detektatu, zaindu eta, azken batean, zigortu behar zituzketen».

Otsail amaieran aurkeztu zituzten galderak PPko Dolors Monserrat eta Javier Zarzalejos eurodiputatuek eta Ciudadanoseko Soraya Rodriguezek; besteak beste, itaundu dute ea batzordeak uste duen zabortegiari ingurumen baimena kendu behar zitzaiola, zer neurri hartuko dituen baimen hori «eraginkortasunez» betetzeko, edota zer tresna dagoen erakunde publikoek ezbeharrean izan ditzaketen ardurak argitzeko.

Zehaztasun handirik ez du eman batzordeak erantzunean, baina bi gairi heldu die. Batetik, ingurumen erantzukizunari buruzko zuzentarauaz jardun da: «Zabortegi baten operadoreak ardura dauka bere jardueraren bidez lurzoruan, airean, babestutako espazioetan eta habitat naturaletan eragindako kalteen gainean»; beraz, ondorioztatu du enpresari eska dakiokeela horiek oneratzea eta kostu guztiak bere gain hartzea. Bestetik, ingurumen informazioaren eskuragarritasunari buruzko zuzentaraua aipatu du, gogora ekartzeko erakundeek berehala jakinarazi behar dutela «osasunerako edo ingurumenerako mehatxuen» berri, herritarrei neurriak hartzeko modua emateko.

Jaurlaritzaren erantzuna

Eusko Jaurlaritzaren ustez, «oinarririk gabeko ondorioak» eman ditu batzordeak. Gobernuak «deitoratu» egin du Sinkeviciusen taldea Ingurumen Sailarekin harremanetan jarri ez izana eta, beraz, zuzeneko informaziorik erabili ez izana Zaldibarko zabortegiaren gaineko kontrolari buruz; halere, «lankidetza» eskaini dio batzordeko lantaldeari. Jaurlaritzak gogora ekarri du bi txosten ireki dizkiola enpresari, ingurumen baimenari buruzko ikuskatze bat eskatu duela, eta amiltzearen arrazoien inguruko peritu ikerketa bat agindu duela; lan horien emaitzak Sinkeviciusi igorriko dizkiola gaineratu du.

PPk, ordea, beste modu batera interpretatu du Europako Batzordearen mezua. Carlos Iturgaiz lehendakarigaiaren aburuz, Bruselak, ikertzeko pausoa ematean, «gaitzetsi» egin du Jaurlaritzaren kudeaketa. «Ez da hondamendi natural bat izan. EAJk gaia estali nahi izan du bere isiltasun legearekin, orain Europako erakundeek berretsi dutenez».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Maria Jauregi ETAk hildako Juan Mari Jauregiren alaba eta Irati Goikoetxea idazlea ©Andoni Canellada, FOKU

Oihanaren minak hezurmamitzen

Jon O. Urain

Indarkeriaren arrastoa, hark eragindako oinazea, bere larruan nozitu du Maria Jauregik. Errealitate hori ezagun du Irati Goikoetxeak ere, eta literaturaren bidez plazaratu ditu ETAren biktima baten saminak eta prozesuak. Garai eta giro bertsuan haziak eta heziak, biak mintzo dira biolentziaz, sufrimenduaz, biktimen rolaz, memoriaz eta hura belaunaldi berriei transmititzeko beharraz.

Anbulantzia bat, Iruñeko ospitale baten aurrean. ©Iñigo Uriz / Foku
Emakume bat elkarretaratze batean, Bilbon. ©ARITZ LOIOLA / FOKU

«Erreakzio patriarkala»

Naroa Torralba Rodriguez

Nabarmen ugaritu dira eraso matxistak aurten. Konfinamendua amaitu osteko egoera emakumeen kalterako izan da, adituen esanetan, eta mugimendu feminista indartsuaren lana goratu dute.

Aginagalde jaurtiketa bat egiten, gaur, atzean Gurbindo duela. ©Wu Hong / EFE

Aginagaldek eta Gurbindok asteazkenean jokatuko dituzte final laurdenak

Paulo Ostolaza

Suedia, Danimarka edo Egipto izan daiteke aurkaria. Gaur Argentinari irabazi diote (36-27) ligaxkako azken jardunaldian. Gipuzkoarrak lau gol sartu ditu, eta nafarrak bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna