Noiz sortua: 2020-05-18 21:42:40

Espetxe politika

Abokatuek eta AEMk ohartarazi dute Ruizen egoera «oso larria» dela

AEMk azaldu du «bukaerara arte joateko prest» dagoela: «Edozein unetan hil daiteke». Auto judizialik gabe ez da joanen erizaindegira; ekitaldiak egin dituzte hainbat herritan, presoaren alde.

Patxi Ruiz presoaren aldeko kontzentrazioa, gaur arratsaldean, Bilbon.
Patxi Ruiz presoaren aldeko kontzentrazioa, gaur arratsaldean, Bilbon. Aritz Loiola / Foku Tamaina handiagoan ikusi

Maddi Ane Txoperena Iribarren -

2020ko maiatzak 18

«Esan digute edozein momentutan kolapsa daitekeela, edozein organok huts egin diezaiokeela, eta, nahiz eta orain deitu dizun, telefonoa eskegi eta berehala hil daitekeela». Maiatzaren 11n abiatu zuen gose eta egarri greba Murcia II espetxean dagoen Patxi Ruiz euskal presoak, eta atzo jada zortzigarren eguna bete zuen deus jan eta edan gabe. Sendoa Jurado AEMko bozeramaileak ohartarazi du «oso larria» dela presoaren egoera: «Edozein momentutan hil daiteke». Protesta ekitaldiak egin dituzte hainbat herritan, egoera salatzeko eta presoari sostengua agertzeko.

Ainhoa Mejias eta Joseba Agudo abokatuak espetxean izan dira gaur, presoari bisitan, eta azaldu dute Ruizek erran diela ez dela joanen erizaindegira horretara behartzen duen auto judizialik egon ezean. Haren egoera larriaz ohartarazi du Mejiasek. «Konfiantzazko medikuak esan digu bihotzekoak eman diezaiokeela. Mingaina handia du; azala, horia». Ohartarazi du iristekotan ere beranduegi irits daitekeela auto judiziala.

Abokatuek azaldu dute «ahul» dagoela Ruiz: «Kontziente da, baina zorabioak ditu». Erizainak presoa ikusi duela azaldu dute, baina kartzelako medikuak ez diola egin espetxeko protokoloak zehazten duen jarraipena, eta konfiantzazko medikuak ezin izan izan duela ikusi. Abokatuei trabak jarri dizkie espetxeak, salatu dutenez: goizean ez diote utzi Mejiasi espetxera sartzen, beharrezkoa den dokumentazioa eduki arren –arratsaldean sartu ahal izan zen–. Espetxeko zuzendaritzak, halaber, ez du abokatuekin bildu nahi izan.

Koronabirusa dela-eta espetxean segurtasun neurriak bete zitezen hasi zen Ruiz gose eta egarri greban, bertze hainbat presorekin batera protesta egin eta kartzelariengandik mehatxuak jasan ondoren, Juradoren hitzetan. Baina espetxearen egoera bera txarra da, oro har. «Kartzela horretan, orain ez hainbeste, zuzendaria aldatu zuten preso batek bere buruaz beste egin zuelako, eta zuzendariak hartu behar zituen neurriak ez zituelako hartu. Patxik esan digu bera hor dagoenetik –eta Murtzian ez darama hainbeste denbora– bost preso ikusi dituela zerraldo irteten, eta bera ez dagoela prest besteek bera hiltzeko. Hori dela eta, bere borrokarekin jarraitzen du».

Azken egunotan ugaritu egin dira Ruizen aldeko protestak espetxe barnean eta kanpoan. Bost preso kartzelak banatzen duen janariaren erretiluari uko egiten ari zaizkio: orain artekoez gain, Roazhongo (Rennes, Bretainia) espetxean dauden Saioa Sanchez eta Itziar Moreno ere bai. Mikel San Sebastian presoak bi eguneko baraua egin du, AEMk berak zuzendu duenez –gose greba mugagabea abiatu zuela zabaldu zuten larunbatean, baina haren senideek ezeztatu egin dute–.

Pintaketa gehiago
EAJk eta PSE-EEk salatu dute pintaketa gehiago egin zituztela igande gauean euren egoitzetan. Barakaldon, Durangon eta Santutxun (Bilbo) agertu dira azken pintaketak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Koronabirusak adinekoei eragin die batez ere. ©JON URBE / FOKU

Nafarroan eta Araban bikoiztu egin zen heriotza kopurua birusak goia jo zuenean

Garikoitz Goikoetxea

Erregistro Zibiletako datuek azaleratu dute nola eragin duen COVID-19ak heriotzetan: bost astean, espero baino 2.100 gehiago hil ziren, datu ofizialetan 1.400 azaldu arren

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Pedro Sanchez Espainiako presidentea Madrilgo kongresuan, atzoko saioan. ©KIKO HUESCA / EFE

Larrialdi egoera luzatuko dute Hegoaldean, seigarren aldiz

Paulo Ostolaza

Espainiako Kongresuak baiezkoa eman dio ekainaren 21 arte luzatzeari. Hirugarren fasea autonomia erkidegoek arautuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna