Noiz sortua: 2020-05-21 12:25:38

Euskara

Geroak euskara ardatz izan behar duela adierazi du Kontseiluak

Geroa euskaratik. Elkar hartuz, elkar zainduz kanpaina abiatu du Kontseiluak, eta euskara jarri dute erdigunean. Herritar guztien ahotsa entzutea da helburua.

Herritarrak euskaraz bizitzearen aldeko protesta batean, Iruñean.
Herritarrak euskaraz bizitzearen aldeko protesta batean, Iruñean. Iñigo Uriz / FOKU Tamaina handiagoan ikusi

Amaia Ramirez de Okariz Kortabarria -

2020ko maiatzak 21

Kontseiluak azaldu du etorkizunera begira erabakiak hartzeko ordua dela. Haren arabera, COVID-19ak sortu duen krisiak agerian utzi ditu gizartean eta, ondorioz, baita euskalgintzako esparruan ere zeuden hainbat hutsune. «Herritarren arteko desberdintasuna eta zaurgarrienekiko bazterketa begi bistakoa izan da, normalitatea deitu duten hori ez baita izan denona; hizkuntza eskubideen etengabeko urraketek agerian utzi dute hori». Azaldu dutenez, «normalitate berri baterantz» jotzeko aukera dago orain, eta elkartasuna izango da oinarri nagusietako bat. Bide horretan, euskara jarri dute ardatz, eta kanpaina bat abiatu dute, Geroa euskaratik. Elkar hartuz, elkar zainduz lelopean.

Euskararen normalizazioak «bestelako gizarte normalizazio bat» bultzatu dezakeela uste du Kontseiluak, hala nola eskubide guztiekiko begirunea, gizarte kohesioa eta konpromiso kolektiboa oinarri dituena. Nabarmendu dute Kontseiluko bazkideak bat datozela mezu hau helarazterako orduan: «Euskara ardatz duen gizarte bat izango da, berdinzaleagoa eta demokratikoagoa, eta inoiz baino beharrezkoago duguna». Herritarrei eta eragileei ere dei egin die euskara erdigunean izango duen kanpainan parte hartzera. Antolatzaileen arabera, haietako bakoitzak aukera edukiko du azaltzeko geroa zergatik eraiki behar den euskaratik, «norbere esparrutik eta esperientziatik».

Geroa euskaratik eraikitzen

Kontseiluak ohartarazi duenez, etorkizuna euskaran ardaztu behar dela esaten dutenean, gizarte osoaren onurak ari dira azpimarratzen. Haien arabera, hainbat dira euskalgintzan elkarrekin jarduteko eta euskararen aldeko jarrera izateko arrazoiak: «Euskarak herritarrak elkartzen eta saretzen ditu, eta, euskaldunak bezala, gutxituta dauden talde eta herritarrekiko begirunea lantzeko tresna izan daiteke». Hain zuzen, gaineratu du euskarak elkar errespetatzeko eta zaintzeko bidea irekitzen duela, gertutasuna eta elkartasuna oinarri izanda. Horregatik, Kontseiluaren nahia da herritarren eskubide guztiak bermatzeko zutabea euskara izatea, eta hizkuntza izatea «gizarte berdinzale eta demokratiko» baterako oinarri. «Inoiz baino zilegiagoa eta beharrezkoagoa da euskararen normalizazioaren alde egitea, denok elkar hartuz eta zainduz, gaurdanik geroa jada jokoan dugulako».

Galdera bati erantzuteko gonbita

Kanpainaren helburua herritar guztiei lekua egitea da, guztien ahotsa entzutea, eta, horregatik, galdera bati erantzuteko gonbita egin die Kontseiluak: «Zergatik geroa euskaratik?». Erantzuten lehenak Kontseiluko bazkideak izango dira, eta, horretarako, bideo laburrak osatu dituzte, sarean tantaka plazaratuko direnak. Bazkide horien artean daude, besteak beste, Topagunea, Euskal Herrian Euskaraz, Bertsozale elkartea eta AEK. Era berean, aurpegi ezagunek ere parte hartuko dutela jakinarazi dute, eta horien erantzunak ere sarean plazaratuko direla.

Bazkideei ez ezik, herritarrei eta bestelako erakundeei ere galderari erantzuteko eskatu diete, eta bideo bidez nahiz idatziz sare sozialetan zabaltzeko. Modu anonimoan parte hartu nahi duenak ere badu horretarako aukera. Nahi izanez gero, galdetegi bat bete dezake www.kontseilua.eus atarian, eta bertan plazaratu bere iritzia. Mahai inguru bat ere antolatu dute BERRIAk, Martin Ugalde Foroak eta Kontseiluak, eta ekainaren 4an egingo da, Euskara ere normalitaterantz? izenpean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna