Albistea entzun

Ekainaren 28an eginen dute herriko bozen bigarren itzulia

Ipar Euskal Herriko 18 herritan egin beharko dute bigarren itzulia. Ekainean egoerak okerrera egiten badu, berriro egin beharko dituzte bi itzuliak.

Herriko bozen lehen itzulia, martxoaren 15ean
Herriko bozen lehen itzulia, martxoaren 15ean Guillaume Fauveau Tamaina handiagoan ikusi

Oihana Teyseyre Koskarat -

2020ko maiatzak 22 07:13

Edouard Philippe Frantziako lehen ministroak iragarri du ekainaren 28an antolatuko dutela herriko bozen bigarren itzulia. Kontseilu Zientifikoak ez du aurkako iritzirik agertu, baina segurtasun neurri oso zorrotzak ezarri ditu bozen egunerako eta kanpaina egiteko. Ekainean birusa gehiegi hedatuko balitz, bigarren itzulia berriro atzeratzeko aukera izango luke Frantziako Gobernuak. Aldiz, uda pasatu eta gero egingo balute, bi itzuliak berriz egin beharko lituzkete, osorik.

Osasun egoera errespetatu beharko dute bigarren itzulia prestatu nahi duten hautagaiek; ondorioz, kanpaina ezingo dute usaian bezala eraman. Christophe Castaner Frantziako Barne ministroak zehaztu du zer neurri hartuko dituzten. Segurtasun neurriak zorrozki aplikatu beharko dituzte bozkalekuetan: metro bateko distantzia errespetatu beharko dute; maskara jantzi beharko dute, eta desinfektatzeko gela egongo da leku guztietan. Bestalde, kanpaina digital bat egitera bultzatu ditu hautagaiak, elkarretaratze fisikoak murrizteko asmoz.

Martxoaren 22an egitekoa zen bigarren itzulia bertan beheiti utzi zuten koronabirusagatik. Martxoaren 15eko lehen itzulia, berriz, mantendu egin zuten, eta, Ipar Euskal Herrian, 18 herritan soilik egitekoa dute bigarren itzulia. Gainontzeko 142 herrietan, lehen itzulitik gailendu ziren zerrendak, bozen erdiak baino gehiago lortu zituztelako. 1.000 biztanletik gorako herrietan, bozen erdiak lortu zituzten zerrendek auzapeza hautatu zuten, eta kontseiluak osatu. 1.000 biztanle baino gutxiagoko herrietan, berriz, herri kontseilurik ez dute oraindik osatu, eta maiatzaren 23tik 28ra artean osatu beharko dute.

Euskal Hirigune Elkargoa ez dute oraindik osatu ahal izan, eta bigarren itzuliaren ondotik moldatuko dute, emaitzen arabera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

«EH Bai ezkerreko indar nagusia da Ipar Euskal Herrian»

«EH Bai ezkerreko indar nagusia da Ipar Euskal Herrian»

Ekhi Erremundegi Beloki

Etxebizitza eta osasun arloetan jarri du azpimarra Patxi Dutournier EH Baiko hautagai ordezkoak. Abertzaleen indarra hazten ikusten du, baina hauteskundeei begira herritarrekin pedagogia egiteko beharra aipatu du.

'Caucus'-aren aurkezpena, joan den urtarrilean Bruselan. ©QUENTIN BRUNO
Harriet Iragi, epaiketa batean. ©Sergio Barrenetxea / EFE

Harriet Iragi euskal presoa gerturatzearen kontrako helegitea onartu du Madrilgo Auzitegiak

Berria

Daniel Portero Dignidad y Justiciako presidenteak helegitea jarri zuen Madrilgo Justizia Auzitegi Nagusiak Harriet Iragi euskal presoa Castellongo espetxetik Logroñokora gerturatu zutelako. Helegitea onartu egin du auzitegiak.

ELA-Ertzaintzaren elkarretaratzea, gaur, Bilbon ©Aritz Loiola / Foku

ELA-Ertzaintzak uste du Segurtasun Sailaren jarduerak «oinarrizko arauak» urratzen dituela

Gotzon Hermosilla

Sindikatuaren iritziz, jokabide hori aldatu ezean «Ertzaintzaren legitimazio soziala» arriskuan egongo da 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna