Noiz sortua: 2020-05-23 12:56:12

Arabako, Bizkaiko eta Gipuzkoako institutuen %20 inguru irekiko dituzte

Lanbide Heziketako ikastetxe «gehienak» irekitzea espero du Eusko Jaurlaritzako Hezkuntza Sailak. Astelehenean itzuliko dira ikasgeletara hainbat mailatako ikasleak.

Institutuko bateko gela bat, Ordizian
Institutuko bateko gela bat, Ordizian Jon Urbe / Foku Tamaina handiagoan ikusi

Irati Urdalleta Lete -

2020ko maiatzak 23

Astelehenean dira ikasgeletara itzultzekoak Arabako, Bizkaiko eta Gipuzkoako DBH4ko, Batxilergoko eta Lanbide Heziketako ikasleak. Gehienak, ordea, ez dira egun horretan itzuliko ikasgelara. Izan ere, institutuen %20 inguru eta Lanbide Heziketako ikastetxe «gehienak» irekiko dituzte astelehenean, Eusko Jaurlaritzako Hezkuntza sailak iragarri duenez.

Berez, joan den astelehenean ziren itzultzekoak hainbat mailatako ikasleak, baina Eusko Jaurlaritzak hasiera astebete atzeratzea erabaki zuen. Hain zuzen, maiatzaren 7an iragarri zuen Cristina Uriarte Eusko Jaurlaritzako Hezkuntza sailburuak eskolak maiatzaren 18an –joan den astelehenean– irekitzeko asmoa. Batxilergoko bigarren mailako ikasleak ziren hastekoak egun horretan, baita Lanbide Heziketako goi mailako zikloetako lehen eta bigarren mailako ikasleak eta erdi eta oinarrizko mailetako bigarren ikasturtekoak ere. Astebete geroago, maiatzaren 25ean, DBHko laugarren mailakoak, Batxilergoko lehen mailakoak eta Lanbide Heziketako erdi mailako zikloetako lehen mailakoak itzultzea espero zuten. 0-1 urteko haurrentzako haur eskolak irekitzeko aukera ere zabaldu zuen Uriartek. Sindikatuen haserrea eragin zuen erabakiak; «aldebakarreko» erabakiak hartzea leporatu zioten Jaurlaritzari, eta aurreratu zuten protesta egin eta irakasleak ez zirela ikasgelara itzuliko segurtasun baldintzak bete ezean. 

Gero, Jaurlaritzak zehaztu zuen ikastetxeek «autonomia» izango zutela itzuleraz erabakitzeko. Hala ere, Denis Itxaso Espainiako Gobernuak EAEn duen ordezkariak mezua argia bidali zion Jaurlaritzari: «Lehenengo fasean eskolez esaten den gauza bakarra da irekitzea, desinfektatzea, garbitzea eta prestatzea dela posible, baina ez eskoletako gelak ireki eta bertan haurrak sartzea». Haren hitzetan, hori «azkarregi joatea» zela-eta, printzipioz ez dago lehenengo fasearen aukeren artean. Itxasok nabarmendu zuen arintze prozesuan baldintza zorrotzagoak jarri nahi badira ez dagoela arazorik; bai, ordea, arintze prozesua «gehiegi azeleratu» nahi izanez gero. «Ikusiko dugu, bigarren fasera begira, zein diren aukerak».

Astelehenean ikasgelara itzultzeko, hainbat baldintza bete beharko dituzte. Besteak beste, ikasleak gehienez bost orduz egongo dira eskolan; gehienez hamabost ikasle egongo dira ikasgela bakoitzean; sarrerak eta irteerak mailakatuak izango dira; maskara jantzita eduki beharko dute; distantziak mantendu... Sindikatuek atzo ohartarazi zuten ikastetxez ikastetxe aztertuko dutela egoera, eta, ikastetxeren batean osasun neurriak bermatzen ez badira, «euren esku dauden tresna guztiak» abian jarriko dituzte, ikastetxe horretako langileek lanera ez joateko aukera izan dezaten, «langileen eta ikasleen osasuna bermatzeko». Iragarri dute sindikatuen arteko jarraipen batzorde propio bat sortuko dutela eta langileen eta ordezkarien esku jarriko dutela osasun neurrien inguruko galdetegi bat. «Osasun neurriak betetzen ez badira edo osasun irizpideak lehenesten ez dituzten baldintzak identifikatuz gero, sindikatuokin harremanetan jarri eta osasuna bermatua ez dagoen ikastetxe horietan osasuna bermatu arte beharrezko mobilizazio eta ekinbideak abian jarriko ditugu, greba aukera barne».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna