Noiz sortua: 2020-05-23 19:13:47

Euskal Presoak

Ruizen aldeko manifestazioa egin dute Baionan

Patxi Ruiz euskal preso politikoari babesa adierazteko 200 bat lagun bildu dira Baionan. Horrez gain, hainbat lekutan egitekoak dituzte mobilizazioak arratsean.

Oihana Teyseyre Koskarat -

2020ko maiatzak 23

Ugaritu egin dira Patxi Ruizi babesa erakusteko mobilizazioak, Euskal Herri osoan. Arratsaldean 200 bat lagun bildu dira Baionan eta manifestazioa egin dute herriko etxetik Espainiako kontsulatura, «Presoak kalera, amnistia osoa» lelopean. Espainiako kontsulatura iritsi eta, antolatzaileek adierazi dute «egoera larria» dela: «Salbuespen neurriak eguneroko ogia diren presondegietan bizi duten muturreko egoera: bisitak eten zaizkie, bizi baldintzak okertu, haien eskubideak ukatu». Hori ikusirik, «sostengu osoa» helarazi diete Ruizi eta beste preso politikoei.

Baionan ez ezik, beste hainbat lekutan ere egin behar dituzte manifestazioak arratsean: Bilbon, Gasteizen, Durangon, Donostian, Berangon, Lekeition eta Arbizun. Bestalde, Urruñan (Lapurdi) bost eguneko gose grebari eutsiko diote bost lagunek.

Iragan ostegunean eraman zuten Patxi Ruiz Murtziako (Espainia) kartzelatik ospitalera hamabi eguneko gose eta egarri greba egin ondoan. Han, hidratatu egin zuten Ruiz, eta, geroztik, espetxera itzuli da; egarri greba utzi, eta gose greba segitzea erabaki du. Presoak berak eskatu zuen ospitaletik ateratzeko; kartzelara itzuli zuten atzera. Koronabirusaren kontrako protokoloa dela eta, erizaindegian daukate orain, berrogeialdian.

Espetxean koronabirusaren krisiaz egiten ari diren kudeaketagatik hasi zuen protesta Ruizek. Ostegunean, berriz, sei puntuko ohar bat kaleratu zuen, eta euskal presoak Euskal Herriratzea jarri zuen «bizirik ateratzeko baldintza gisara».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna