Donostia

Donostia Kulturaren liburutegi eta museoak astelehenean zabalduko dituzte

Segurtasun neurriak eta ikur «berezi eta atseginak» jarriko dituzte, tartean Antton Olariagak diseinaturiko irudi bat, irakurleei 'ongi etorri' esateko.

San Telmo museoa asteartean zabalduko dute, Koldobika Jauregiren zuzeneko instalazio batekin.
San Telmo museoa asteartean zabalduko dute, Koldobika Jauregiren zuzeneko instalazio batekin. Jon Urbe / Foku Tamaina handiagoan ikusi

Edu Lartzanguren -

2020ko maiatzak 27

«Ekainaren 1ean hasiko da kulturaren deskonfinamendua», esan du Jon Insausti Donostiako Udaleko Kultura eta Euskara zinegotziak. Internet bidezko agerraldi bat egin du, astelehenean udalaren liburutegi zerbitzua eta San Telmo museoa zabalduko dituztela iragartzeko.

Kultur aretook segurtasun neurriak hartuta irekiko direla adierazi du, baina hiri osoan «kultur esperientzia ona» bermatu nahi dutela esan du.

Liburutegi Nagusia, Haur LIburutegia eta auzoetakoak irekiko dituzte. Okendo Kultur Etxea ez, ordea, han lan batzuk egin behar dituelako klimatizazioan. Martuteneko Amundarain mediatekak ere astebete itxarongo du zabaltzeko.

Osasun neurriak aipatu ditu Insaustik: erabiltzaile kopurua mugatuko dute, langileek babesa izango dute eta manparak egongo dira. Erabiltzaileei nola jokatu esateko, ikur multzo «intuitibo eta alai» batzuk jarriko dituztela agindu du. «Espero dugu kultur esperientzia atsegina izatea, segurua eta interesgarria».

Horren barruan, Antton Olariaga marrazkilariari irudi bat egiteko eskatu diote, irakurleei ongi etorria emateko. «Ongietorri umoretsua egingo du, eta liburutegi guztietan egongo da».

Liburuak itzuli eta hartu

Hiritarrek aukera izango dute maileguan dituzten liburuak bueltatzeko, eta jasotzeko. Telematikoki egin ahalko da: webgunearen bidez, emailez eta SMS bidez. Baina baita liburutegietara joanda ere. Edonola ere, erabiltzaileak ezingo du liburua bere kabuz hartu: liburuzainak eman beharko dio. Haurrek heldu batek lagunduta joan beharko dute, eta hitzaldiak-eta sarean egingo dira.

San Telmok ohiko ordutegian zabalduko du, asteartetik aurrera, astelehenean jai egiten duelako. Ekitaldi berezia prestatu dute astearterako. Koldobika Jauregi eskultoreak instalazio bat egingo du klaustroan, zuzenean. «Aurrez-aurreko kulturari keinua egin nahi diogu».

Museoan ere ikur multzo berezia jarriko dute, jarraibideak emateko, eta bisitarien kopurua kontrolatuko dute.

Konfinamendua ezarri aurretik martxoan zeuden erakusketak egongo dira ikusgai. Funtsak ere kontsultatzeko aukera egongo da.

Halere, Urgulleko Hiriaren Historiaren Museoa ez da zabalduko udan, Insaustik iragarri duenez. Gaia plano baten bitartez landuko dute, eta San Telmok ere jorratuko du hiriaren historia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna