Noiz sortua: 2020-05-30 00:14:21

Koronabirusak hildakoak, osasun eremuka

Arabako, Bizkaiko eta Gipuzkoako osasun eremu bakoitzean zenbat gaixo hil diren kontsultatzeko modua jarri du Eusko Jaurlaritzak.

Hilberriak jakinarazteko taula, Eibarren (Gipuzkoa).
Hilberriak jakinarazteko taula, Eibarren (Gipuzkoa). GORKA RUBIO / FOKU Tamaina handiagoan ikusi

Berria -

2020ko ekainak 5

Datuetan aldaketak egin ditu ostera Jaurlaritzako Osasun Sailak, eta informazio sorta berri bat eskaintzeari ekin dio maiatzaren 28tik aurrera. Orain, aurreneko aldiz, ikus liteke osasun eremu bakoitzean zenbat gaixo hil diren koronabirusaren eraginez.

Baina datu hauetan osasun sistema publikoan hil diren gaixoak soilik agertzen dira. Zahar etxeetan edota klinika pribatuetan hildakoen datuak falta dira zerrenda honetan beraz. Gutxi gorabehera, koronabirusaren ondorioz hildako guztien heren bat faltako dira taula honetan, beraz.

Hilkortasunaren tasa kalkulatzeko, osasun eremu horretan zenbat kasu positibo detektatu dituzten hartzen du aintzat Osasun Sailak; kasu positibo horietatik zenbat heriotza gertatu diren kalkulatzen du.

Goitik behera ordenatuta dago zerrenda: heriotza gehien izan dituzten osasun eremuak agertzen dira aurrena, eta batere izan ez dutenak daude taularen bukaeran. Heriotza kopuru bera izan duten eremuentzat, hilkortasun handienetik txikienera ordenatuta daude. Taula honen beheko partean daude aurrera eta atzera egiteko kontrolak. Zuzenean osasun eremu baten edo herri baten izena ere bilatu liteke, taularen goiko aldeko koadroan.

Koronabirusa egunez egun

Koronabirusaren krisiari buruzko buletin berezi honek azken 24 orduetan gertatutakoaren gakoak eskainiko dizkizu. Arratsaldero jasoko duzu.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Informatzeak zenbat balio duen.

Izan zaitez BERRIAlaguna