Albistea entzun

Musika

Euskadiko Orkestrak marka berria aurkeztu du

Euskarazko izen ofiziala izango du, eta nazioarteko zabalkundea lortzeko Basque National Orchestra izendapena erabiliko du.

Euskadiko Orkestra, martxoan Istanbulen emandako kontzertuan.
Euskadiko Orkestra, martxoan Istanbulen emandako kontzertuan. Euskadiko Orkestra Tamaina handiagoan ikusi

Berria -

2020ko ekainak 2 11:36

1982. urtean abian jarri zutenetik, euskarazko eta gaztelaniazko deiturak eta siglak erabili izan ditu Euskadiko Orkestrak: Euskadiko Orkestra Sinfonikoa, Orquesta Sinfonica de Euskadi, EOS, OSE... Orain, ordea, eta orkestrako kideekin eta kanpoko eragileekin egindako hausnarketa-elkarrizketa ariketa baten ondoren, marka bakarra izatea erabaki dute orkestrako arduradunek: Euskadiko Orkestra.

Orkestrak berak eman ditu, ohar baten bitartez, izen berria hartzearen inguruko argibideak: «Euskadiko Orkestra 1982an sortu zen helburu honekin: musika ondasun unibertsal eta ondare kultural bezala sustatu eta garatzea. 38 urte hauetan, ordea, gure gizartea goitik behera eraldatu da: kultura ulertzeko modua erabat aldatu da, musikarekin harremanetan jartzeko eta hura kontsumitzeko moduak ere aldatu egin dira, baita markek euren audientziekin komunikatzeko dituzten moduak ere. Gaur egun, euskal gizartea garatzen doan hein berean Euskadiko Orkestrak misio honekin konprometituta jarraitzen du, eta gizartearekin batera gauzatu nahi du eboluzio hau».

Azken garaian egindako gogoetak helburu jakin bat izan du: «Pertsonekin gehiago konektatzea eta eragin nabarmenagoa izatea orkestrak eragile kultural eta sozial gisa duen rol horretan». Irudi eraberritu horrek islatuko ditu «orkestraren identitatea, eraldaketa sozialerako sentsibilitatea eta, bereziki, gizarte elkartuago eta aberatsago baten aldeko ikuskera, bere musikaren botere unibertsal eta deskribaezinaren bidez».

Euskadiko Orkestra marka bakar izango du orkestrak, baina nazioarteko zabalkundea lortzeko ingelesezko Basque National Orchestra erabiliko du, «kanpo esparruan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harry Potterren sortaren lehen liburua, Londresko liburu denda batean. / ©Claudia Sacrest, EFE

Harry Potterrek 25 urte beteko ditu bihar

Jon OrdoƱez Garmendia

J. K. Rowlingek 1997ko ekainaren 26an argitaratu zuen Harry Potter eta Sorgin Harria-ren ingelesezko edizioa.

<b><em>Simone Veil <em>pastoraleko mustraka bat; 95 arizale aste hondar guziez elkartzen dira.</em> </em></b> ©SEVERINE DABADIE

Veil pastorala hasia da ate joka

Ainize Madariaga

Hiru emanaldi eginen ditu 'Simone Veil' pastoralak Muskildin: uztailaren 24an eta 31n, eta agorrilaren 6an. Bostehun lagunendako bazkaria prestatuko dute ikastolek egunotan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.