Euskara

Euskararen lekuaz normaltasun berrian, Martin Ugalde Foroan

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Berria -

2020ko ekainak 4

Konfinamendua arintzeko prozesua aurrera doan neurrian, zenbait jarduera hasiak dira lehengoratzen. «Normaltasun berri bat dugu jokoan, COVID-19ak agerian utzi dituen hutsune eta desberdinkeriei aurre egiteko bestelako neurri eta erabakiak hartu behar baitira». Euskararen Gizarte Erakundeen Kontseilua ziur da euskarak ere egon behar duela bide horretan, eta, Martin Ugalde Foroarekin elkarlanean, Euskara ere normalitaterantz? mahai ingurua antolatu du gaur, Andoaingo Martin Ugalde kultur parkean (Gipuzkoa). Euskarak gizarte berdinzaleago, kohesionatuago eta demokratikoago bat eraikitzeko egin dezakeen ekarpenaz jardun dute Josu Amezagak, Idurre Eskisabelek eta Amelia Barquinek, Goizalde Landabaso kazetariak gidaturik.

Mezu hori aldarrikatzeko, Kontseiluak abian du Geroa euskaratik dinamika, euskalgintzako eta bestelako norbanako eta taldeen babesarekin. Hainbat ekintza antolatu dituzte, eta horietako bat izan da gaurko solasaldia.

Foroa bertatik bertara ikusteko aukera izan da Martin Ugalde kultur parkean. Areto nagusian egin dute, eta, segurtasun neurri guztiak beteta, 25 lagunentzako lekua egon da. Mugak muga eta neurriak neurri, aurrez aurre elkartzeko aukera izatea garrantzitsua dela uste dute Kontseiluak eta Martin Ugalde Foroak, elkartu, elkarrekin pentsatu, eta jarduteko.

Hala ere, mahai ingurua streaming bidez ikusi eta entzuteko aukera egon BERRIAren webgunean, eta, orain, osorik dago ikusgai. Entzuleek hizlariei galderak egiteko aukera izan dute, Twitterren #geroaeuskaratik traola erabilita.

Etorkizunari begira jarri dira hiru gonbidatuak, nor bere esparrutik. Josu Amezaga EHUko soziologoa da, euskara, euskal kultura, hedabideak eta identitatea aztergai izan dituena, besteak beste. Idurre Eskisabel kazetaria eta EHUko irakaslea da, generoa, nazio identitatea, eta euskararen eta feminismoaren arteko elkargunea lantzen dituena, besteak beste. Eta Amelia Barquin Mondragon Unibertsitateko Huheziko irakaslea da, kultur eta hizkuntza aniztasunean eta hezkuntzan aditua. Egungo krisian azaleratu diren premiak eta aldaketak ikusirik, euskarak zer leku izan behar lukeen aztertu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna