Noiz sortua: 2020-06-03 10:37:42

Espainiako Kongresuak larrialdi egoeraren seigarren luzapena onartuko du gaur

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Pedro Sanchez Espainiako presidentea, gaurko lehen agerraldian, Kongresuan.
Pedro Sanchez Espainiako presidentea, gaurko lehen agerraldian, Kongresuan. J. J. Guillen / EFE Tamaina handiagoan ikusi

Paulo Ostolaza -

2020ko ekainak 3

Espainiako Gobernuak alarma egoeraren luzapena eskatzeko osoko bilkura hasi da Kongresuan, minutu bateko isilunearekin. Espainian ez da hildakorik baieztatu azken bi egunetan, eta hala adierazi du Pedro Sanchez presidenteak bere lehen parte hartzean: «Okerrena igaro da». Horretaz gain, normaltasunera itzultzeko prozesuaren balorazio ona egin du, eta, azaldu duenez, «momentuz ez du izan eragin negatiborik pandemiaren garapenean».

Sanchezek adierazi duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori». Erkidegoek «erabakitzeko eskumen osoa» izango dutela gehitu du, mugimenduan izan ezik. Gainera, iragarri du datorren asteartean txerto bat aurkitu bitartean indarrean egongo den lege bat onartuko duela Gobernuak, eta bertan bilduko dituela aurrerantzean badaezpada hartu beharreko neurri guztiak.

Ondo bidean, Araba, Bizkaia, Gipuzkoa eta Nafarroa datorren astelehenean sartuko dira fase horretan. Ez hori bakarrik; hirugarren fasetik «normaltasun berrira» igaro ala ez ere Eusko Jaurlaritzak eta Nafarroako Gobernuak erabakiko dute, ez Madrilek.

Printzipioz, gaur onartuko dute larrialdi egoeraren seigarren eta azken luzapena, ekainaren 21 arte. Gobernuan dauden PSOEren eta Unidas Podemosen baiezkoarekin ez ezik, EAJren eta Ciudadanosen babesarekin eta ERCren abstentzioarekin onartuko dute luzapena.

Eztabaida

Saioaren lehen zatian, Espainiako alderdi nagusien arteko eztabaida izan da protagonista, larrialdi egoeraren luzapenari buruzko kontuetatik harago. Sanchezek esan du inork ez duela Espainiako bandera besteen aurka erabiltzeko eskubiderik, «guztiok ordezkatzen baikaitu». Martxoaren 8aren alde ere jardun du.

Jarraian hitza hartu duten PPko Pablo Casadok eta Voxeko Santiago Abascalek, ordea, ez diote jaramonik egin batasunerako dei horri. Biek «Espainiaren etsaiekin» akordioak egitea egotzi diote: Casadoren arabera, Sanchez gobernuan dago «ultraezkerrari, independentistei eta batasunoei esker». Abascalen iritziz, berriz, «ETA, EAJ eta ERC» dira etsai horiek, eta, Espainiako banderari dagokionez, presidenteari esan dio nahikoa litzakeela «bere konplizeei» exijituko balie ez erretzeko eta eraikin ofizialetatik ez kentzeko.

Gobernantza banatua

EAJk kritikatu egin du eztabaida hori; Aitor Estebanen iritziz, gobernuaren aurka jardutea «ez da egokiena gaur egungo egoeran». Pozik agertu da pandemiaren bilakaeragatik, baita Espainiako Gobernuarekin lortu duten akordioagatik ere: «Ikusi dugu pandemiaren bilakaera ezberdina izan dela leku bakoitzean, eta horregatik uste dugu egokia dela autonomia erkidego bakoitzak alarma egoera nahi bezala moldatzea».

EH Bilduko Mertxe Aizpuruak ere gobernantza banatuaren alde jardun du, eta eskumenak errespetatzeko eskatu dio gobernuari. Jarraian, «langile klasearen aldeko neurriak» indartzen jarraitzeko eskatu dio Sanchezi: «Ez duzue dena gaizki egin; norabidea egokia da, baina ez nahikoa». EH Bildu abstenitu egingo da larrialdi egoera luzatu edo ez erabakitzeko bozketan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Murgak baztertu egin du konfinamendua ezartzea, baita joan-etorriak mugatzea ere, eta gogorarazi du distantzia mantendu ezin denean maskara erabili beharra dagoela. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Testak egiteko asmoz Ordizian atzo ipinitako karpa. ©JON URBE / FOKU

«Nor ez da ibiltzen hor!»

Arantxa Iraola

Zazpi positibori atxikita, ostatu gune batean ibilitako herritarrei testak egin dizkie Osakidetzak: 900 PCR proba egin dituzte, eta negatibo eman dute lehen 91k. Boluntarioa izan da parte hartzea. Ordizia, Beasain eta Lazkaoko eguneko zentroak itxi egin dituzte, eta zahar etxeetan bisitak kendu dizkiete zazpi egunez. Eskualdeko beste zahar etxeetan, halaber, kalera irteteko aukerarik gabe utzi dituzte bertan bizi diren adinekoak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna