Noiz sortua: 2020-06-03 00:30:00

Koronabirusa

Espainiak ez du onartu Euskal Herri osoan ibili ahal izatea

Jaurlaritzak eskaera hori egin zien Espainiako eta Frantziako gobernuei. Araban, Bizkaian eta Gipuzkoan aukera egongo da herrialde batetik bestera joateko, hirugarren fasera igaroz gero
Emakume bat kafea hartzen, Gasteizko Foru plazako harmailetan.
Emakume bat kafea hartzen, Gasteizko Foru plazako harmailetan. D. AGUILAR / EFE Tamaina handiagoan ikusi

Gotzon Hermosilla -

2020ko ekainak 3

Eusko Jaurlaritzak eskaera egin die Frantziako eta Espainiako gobernuei Euroeskualdea osatzen duten hiru administrazioetan, hots, Euskal Autonomia Erkidegoan, Nafarroako Foru Erkidegoan eta Akitania Berrian herritarrek leku batetik bestera mugitzeko aukera izan dezaten hirugarren fasea indarrean sartzen denean. Baina, Frantziako Gobernuak ezer erantzun aurretik, Espainiako Gobernuak jadanik ezezkoa eman dio eskaerari, eta Espainiako Osasun ministro Salvador Illak esan duenez, «autonomia erkidegoen artean ibiltzeko» aukera «normaltasun berriarekin» batera baino ez da iritsiko.

Jaurlaritzak uste du Arabak, Bizkaiak eta Gipuzkoak baldintzak betetzen dituztela hirugarren fasera igarotzeko, koronabirusaren izurriaren kontrako neurriak malgutzeko prozesuan, eta eskaera helarazi dio Espainiako Gobernuari. Ekonomiaren Garapeneko eta Azpiegituretako sailburu Arantxa Tapiak esan duenez, eskaera onartuz gero, Arabako, Bizkaiko eta Gipuzkoako herritarrek libre izango dute probintzia batetik bestera mugitzea astelehenetik aurrera, baina aukera hori Euskal Herri osora hedatu nahi zuten «arrazoi sozioekonomikoak» eta «familiarrak» direla eta.

Hirugarren faseak Araban, Bizkaian eta Gipuzkoan izango dituen zenbait ezaugarri azaldu ditu Tapiak. Denda eta saltoki handietan gehieneko edukiera %60 izango da. Taberna eta jatetxeetan, berriz, ez da gehieneko bezero kopururik ezarriko, baina bi metroko aldeari eutsi egin beharko diote mahaien artean. Barran kontsumitzea posible izango da, bezeroen arteko tarte hori utzita.

Zinema, kultur ekitaldi eta ikuskizunetan, ikusle kopurua gehienez %50 izango da, eserita, eta sarrera aldez aurretik hartuko da. Areto itxietan antolatutako ekitaldietara gehienez 80 lagun sartuko dira, eta aire zabalean egindakoetara, berriz, 1.000. Pilotan eta arraunketan, goi mailako kirolariek baimenduta edukiko dute entrenatzea.

Udalekuetako baldintzak ere zehaztu ditu Jaurlaritzak, hirugarren fasera igaroz gero aplikatzekoak. Horiek ere %50ean arituko dira: leku itxietan gehienez 80 lagun, eta irekietan 200, haurrak zein begiraleak aintzat hartuta.

Nafarroak ere eskaera egin du hirugarren fasera pasatzeko, eta, lortuz gero, «kutsatzeko arriskua gutxitzen» ahaleginduko dira, Nafarroako Gobernuko bozeramaile Javier Remirezek Radio Euskadin esan duenez.

Alarma egoeraren luzapena

Espainiako Kongresuak gaur aztertuko du Espainiako Gobernuaren proposamena alarma egoera beste bi astez luzatzeko, eta, itxura guztien arabera, proposamena onartuko du, Pedro Sanchezen gobernuak EAJren, ERCren eta Ciudadanosen baiezkoa lortu baitu aldez aurretik.

ERCrekin eta EAJrekin akordioa lortu ostean Ciudadanosekin ere hitzartu izanak jeltzaleen susmo txarra piztu zuen, ordea, uste zutelako azken akordio horretan «kontraesanak» egon zitezkeela haiekin sinatutakoarekin. Baina EAJk Espainiako Kongresuan duen talde parlamentarioak adierazi duenez, dekretua aztertu ostean egiaztatu dute horrek «erabat» betetzen duela jeltzaleekin hitzartutakoa eta, hortaz, berretsi dute baiezkoa emango dutela gaurko bozketan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna