Noiz sortua: 2020-06-03 16:27:40

Gaua pasatzeko udalekuak ere egitea aztertzen ari da Eusko Jaurlaritza

Udalekuri buruzko zirriborro bat lantzen ari dira, eta «ezer ere ez dago itxita». Hirugarren faserako baimendu dituzte udalekuak.

Umeak jolasean, Iruñeko kaleetan.
Umeak jolasean, Iruñeko kaleetan. Jagoba Manterola / Foku Tamaina handiagoan ikusi

Andoni Imaz -

2020ko ekainak 3

Eusko Jaurlaritzako Enplegu eta Gizarte Politika Saileko Gazteria Zuzendaritzak adierazi du udalekuei buruzko zirriborro bat lantzen ari direla, eta, eguneko udalekuez gain, gaua igarotzeko eta otorduak egiteko aukera ere aztertzen ari direla. Oraindik ez dute zirriborroa bukatu, eta aldaketak izan litzake, aisialdi taldeekin eta Eudel Euskal Udalen Elkartearekin ari baitira prozesua kontrastatzen.

Udalekuei buruzko azalpenak emateko eskaera asko jaso dituztela-eta, dokumentuaren zenbait xehetasun azaldu dituzte. Oraingoz, aukera guztiak dituzte zabalik: eguneko udalekuak egitea, baita gaua pasatzekoak ere. Adierazi dute orain arte jasotakoak betetzen dituela Espainiako Gobernuak ezarritako arauak, eta Eusko Jaurlaritzako Osasun Sailak onartu duela.

Konfinamendua arintzeko hirugarren fasean izango dute udalekuak egiteko baimena; datozen egunetan ere datuak onak badira, Hego Euskal Herria astelehenean pasatuko da fase horretara. Egun lantzen ari diren proposamenaren arabera, udalekuak aire zabalean eginez gero, berrehun lagun elkar litezke gehienez, begiraleak barne. Leku itxiren batean eginez gero, berriz, edukieraren herena bete ahal izango dute, laurogei pertsona gehienez ere.

Hurrengo agertokian, faseetatik igaro osteko «normaltasun berrian», aire zabaleko jardueretan gehienez hirurehun pertsona elkartzeko proposamena jaso dute zirriborroan. Leku itxietan, laurogei.

Zirriborro hori aurkeztu diete Arabako, Bizkaiko eta Gipuzkoako aldundiei, eta hirurek onartu dute, Enplegu eta Gizarte Politika Sailaren arabera. «Edozein ekarpen jasotzeko prest gaude, deialdietako oinarriak berme guztiekin osatzeko», adierazi du Marcos Muro Enplegu eta Gazteria sailburuordeak. «Gaiak ikusmin handia sortu die hainbat gurasori, eta, horregatik, errepikatu beharra dugu ezer ez dagoela itxita oraindik», esan du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osakidetzako langile bat Txagorritxuko laborategi batean lanean. ©Gorka Rubio, Foku

Justizia Auzitegi Nagusiak ebatzi du Osakidetzak arriskuan jarri dituela langileak

Ainhoa Larretxea Agirre - Mikel P. Ansa

Osagileen sindikatuek jarri zuten salaketa, eta ekainaren 16an egin zuten epaiketa. ESK sindikatuak Nekane Murga Osasun sailburuaren eta Osakidetzako zuzendaritzaren dimisioa eskatu du. Osakidetzak, ordea, «positibotzat» jo du ebazpena, epaileak atzera bota dituelako sindikatuen «eskari gehienak».

Jendea paseoan, konfinamendua arintzeko lehen fasean. ©JON URBE/ FOKU

Jaurlaritzak ziurtatu du COVID-19aren agerraldiak «kontrolatuta» daudela

Irati Urdalleta Lete

Beste hamalau positibo eta hiru hildako daude. Jaurlaritzak pentsatu du neurriak areagotuko dituela jende pilaketak «mantenduz eta orokortuz» gero

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna