Noiz sortua: 2020-06-06 09:37:50

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Atzo Villabonan egin zuten bertso saiora sartzeko segurtasun neurriak. /
Atzo Villabonan egin zuten bertso saiora sartzeko segurtasun neurriak. / Gorka Rubio/Foku Tamaina handiagoan ikusi

Jon Ordoñez Garmendia -

2020ko ekainak 6

Hirugarren fasetik atera eta «normaltasun berria» arautuko duen dekretuaren zirriborroaren arabera, alarma egoeratik atera ondoren ere beharrezkoa izango da Hego Euskal Herrian maskarak erabiltzea toki itxietan eta garraio publikoan. Espainiako Gobernuak prest du zirriborro hori eta astearteko Ministroen Kontseiluan onartuko du.

Zirriborroaren arabera, autonomia erkidegoek erabakiko dute «osasun eta epidemiologia irizpideei jarraituz» hirugarren fasetik noiz aterako diren. Zirriborroan jaso du Espainiako Gobernuak hirugarren fasean autonomia erkidegoak izango direla fase horri dagozkion neurriak hartu, kendu, egokitu eta ezarriko dituztenak, joan den astean iragarri zuen bezala. Baina amaieran gehitu duen eranskin batean dio Osasun Ministerioak beretzat gordetzen du eskuduntzak berriro bereganatzeko aukera «urgentziazko kasuetan».

«Normaltasun berrian» maskarak erabiltzea derrigorrezkoa izango da 6 urtetik gorakoentzat toki itxietan bi metroko distantzia mantendu ezin denean. Garraio publikoan ere erabili beharko dira, hegazkinetan, itsasontzietan, autobusetan eta trenetan. Baita bederatzi bidaiari arteko garraio publikoan ere, alegia, taxietan. Tren eta autobus eskaintza egokitu egin beharko da jende pilaketak ez izateko. Maskara erabiltzen ez dutenentzat, ehun euro arteko isunak aurreikusten ditu zirriborroak.

Erantzuteko, bost egun

Zirriborroaren arabera, erakundeek derrigorrezkoa izango dute COVID-19aren sintomak dituztenei PCR proba egitea edo diagnostikatzeko beste teknikaren bat erabiltzea eta Espainiako Osasun Ministerioari jakinaraztea. Gainera, prest egon beharko dute larrialdi egoerei aurre egiteko: dekretuak zehazten du, orain arte ikusitakoa aintzat hartuta, bost egunean kasu hazkunde azkarrei erantzuteko beharrezkoak diren oheak izan beharko dituztela.

Lantokietan garbitasun neurriak mantendu beharko dira, eta langileen esku jarri beharko dituzte enpresek eskuak garbitzeko gela. Lanpostuek ere egokituta egon beharko dute, eta lan txandak orain bezala antolatu egin beharko dira bi metroko segurtasun distantzia mantendu ahal izateko. Ez bada posible, langileei babesteko tresneria eman beharko diete.

Ikastetxeetan ere garbitasuna eta prebentzioa bermatu beharko da, eta egokitu egin beharko dira. Gehiago zehaztu gabe, zirriborroak dio ikasle pilaketa eragotzi beharko dela eta segurtasun distantzia mantendu, eta, hori posible ez denean, higiene neurri batzuk ezarri. Zahar etxeetan, merkataritza guneetan eta hotel eta bestelako ostatuetan ere hala egin beharko da.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna