Albistea entzun

SOS Kultura

Kulturaren «heriotza epaiaren» aurkako elkarretaratzeak egin dituzte

Hegoaldeko lau hiriburuetan bildu dira sortzaileak, izurriak kultur aurrekontuetan eragingo duen murrizketa, eta lehenagotik ere pairatzen duten egoera salatzeko.

Edu Lartzanguren -

2020ko ekainak 12

«Gora arte rupestrea; Fuck off  [utikan] online», eskuz eginiko txartela hartuta atera da kalera sortzaile bat Gasteizen. SOS Kultura plataformak elkarretaratzeak egin ditu Hegoaldeko lau hiriburuetan, kultur aurrekontuetan espero dituzten «murrizketa handiak» salatzeko, murrizketa horiek «heriotza epaia» izan daitezkeelako kultura sarearentzat.

Itziar Ituño aktoreak irakurri du mezua Bilboko Arriaga antzokiaren aurrean eginiko elkarretaratzean. 2008ko krisiak kulturaren alorrari eman zion kolpea ekarri du gogora, eta, orain, konfinamenduak eragindakoak Euskal Herrian egiten den kulturaren azkena ekar dezakeela ohartarazi du. Maskor baten soinuarekin parekatu du gerta daitekeena: «Entzuten duguna itsasoa dela pentsatzea oso poetikoa izan badaiteke ere, dagoeneko ez dagoen izaki baten falta entzuten da». Kulturazaleei eskatu die sortzaileak bertan behera ez uzteko. «Berehala itzuli nahi dugu».

Iruñean, Udaletxearen aurrean bildu dira sortzaileak, Donostian, Bulebarrean, eta, Gasteizen, Andre Mari Zuriaren plazan.

«Guretzat ez badago lanik, ez da egongo inorentzat kulturarik», adierazi dute Donostian, pankarta baten bidez. Jon Maia Soria bertsolariak bertsotan jarri du aldarrikapena: «Guk ez dugu nahi munduan iraun, baizik eta mundua aldatu».

«Kultura gara; arriskuan gaude», esan du Iruñean El Drogas musikariak. «Ez da murrizketarako unea, baizik eta mundu hobea eraikitzekoa». Euritakoak protagonista eduki dituen ikuskizun bat paratu dute plazan.

SOS Kultura plataformakoek esan dutenez protestak ez die alarma egoerak sortutako zailtasunei soilik erantzun nahi; «lehendik ere ezarrita zegoen prekaritatea» ere salatu nahi dute. Salatu dutenez, ez dute sentitzen erakunde publikoek kulturarentzat «benetako konponbiderik» eskaintzen dutenik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kukai Dantza konpainiaren eta Euskadiko Gazte Orkestraren <em>Eta orain zer?</em> emanaldiaren aurkezpena, atzo, Donostiako Kursaalean. ©MONIKA DEL VALLE / FOKU
Aroa Uharte. ©Iñigo Uriz, Foku

Zoriz mundu bat zabaltzea

Ainhoa Sarasola

Errumaniara eraman zuten Arte Ederretako ikasketek, eta Bartzelona, Mosku eta San Petersburgora, gero, eslaviar hizkuntzek zein errusiar literaturak sortutako lilurak. Errusieratik euskarara hiru liburu ekartzea izan da bidaia horren azken nasa, oraingoz.

Mikele Landa Eigurenen <em>Noizko basoa</em> filma. ©ZINEMALDIA

Euskarazko bi lan izango dira Zinemaldiko Nest saria lortzeko lehian

Iñigo Astiz

Hamahiru film labur hautatu dituzte guztira; tartean dira Nagore Muriel Letamendiaren 'Erro bi' eta Mikele Landa Eigurenen 'Noizko basoa'

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...