Maule ezkerrera itzuli da

Lehen itzuliko emaitzak baieztatu dira bigarrenean, eta Louis Labadot zerrenda zabal baten buru den komunista izanen da auzapeza, bozen %40,35 eskuraturik.

Louis Labadot, botoa ematen. /
Louis Labadot, botoa ematen. / Guillaume Fauveau Tamaina handiagoan ikusi

Joanes Etxebarria -

2020ko ekainak 28

Hiru hautagai ziren Zuberoako hiriburuan bigarren itzulirako, lehenean bezala: azken bi agintaldietan auzapez izan dena, Mixel Etxebest (%38,24); Louis Labadot auzapez berria (%40,35); eta EH Bai alderdiak sostengatzen zuena, Beñat Elkegarai (%21,41). Historikoki ezkerrekoa zen Maule, Mixel Etxebest 2008an herriko etxera heldu arte, Frantziako Alderdi Sozialistako bi auzapez izan baitziren agintean urte luzeetan. Auzapez berria komunista izanen da, beraz, nahiz eta Union Citoyenne (Batasun Herritarra) zerrenda ireki gisara aurkeztu zuten hasieratik. Kausitu emaitzarekin, Louis Labadot eta haren zerrendakideek gehiengoa ukanen dute Maulen herriko 17 aulki eskuraturik; Mixel Etxebesten zerrendakoek lau aulki lortu ditu, eta Beñat Elkegarairen zerrendak bi, orain arte bakarra zuelarik.

Oposizioan ziren Labadot eta Elkegarai azken agintaldian, eta biek salatu dute, kanpaina hasi denetik, "gardentasunik gabeko" Etxebesten kudeaketa, besteak beste Agerria hotelaren edo bidean den espartinaren etxearen xedearen kasuetan preseski. Bi itzulien arteko kanpainak luze jo du koronabirusaren testuinguru berezian, eta hautagaien arteko lehia gogorra izan da; Mauleko gutun kutxetan eskuorriak banatuak izan dira, eta Mixel Etxebestek salatu du bere izena eta bere zerrendakide batena laidoztatuak izan direla "kanpaina joko horretan". Labadoten zerrendaren kontrako salaketa ezarri duela ere jakinarazi du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna