Noiz sortua: 2020-06-29 11:11:28

Lau hilabete dira ofizialki lehen kutsatua agertu zela

Atzo, hamabi pertsonak eman zuten positibo PCR proban.

Jendea maskara jantzita paseoan, Donostian.
Jendea maskara jantzita paseoan, Donostian. JON URBE / FOKU Tamaina handiagoan ikusi

Mikel P. Ansa -

2020ko ekainak 29

Atzo duela lau hilabete, hots, otsailaren 28an agertu ziren koronabirusarekin ofizialki kutsatutako aurreneko gaixoak Euskal Herrian. Harrezkero, COVID-19ak 2.150 gaixo hil ditu. Gaitzak ez du leku guztietan eragin bera izan, eta horren seinale dira herriz herri hildakoen kopuruak. Lau hilabeteotan, Bilbon 356 gaixo hil dira koronabirusaren eraginez, eta Gasteizen, 318; askoz eragin txikiagoa izan du Donostian (73 hildako). Nafarroako Gobernuak ez du jakinarazten herri bakoitzean zenbat gaixo hil diren.

Hiriburuen atzetik, Bizkaiko herri asko datoz: Barakaldo (90), Basauri (70), Getxo (40), Galdakao (32), Santurtzi (31), Sestao (30), Erandio (21), Ermua (21), Balmaseda (18), Zornotza (18), Loiu (17), Durango (16), Bermeo (15), Portugalete (15), Leioa (14), Sopuerta (13), Arrigorriaga (12). Hamar heriotza baino gutxiago izan dituzte gainerako herrietan. Gipuzkoan, askoz herri gutxiago iritsi dira zenbaki horietara: Arrasate (37), Eibar (24), Ordizia (24), Zarautz (23), Tolosa (20), Zumarraga (15) eta Irun (15). Araban, herri bakarrak ditu kopuru horiek, Agurainek (14 heriotza).

Atzo emandako datuen arabera, azkeneko orduetan ez da inor hil, eta PCR probetan atzemandako gaixoen kopuruak ere apal jarraitu du: hamabi kasu positibo berri. Horietatik gehienak (bederatzi) Nafarroan detektatu dituzte; bi, Bizkaian; eta bat, Gipuzkoan. Kutsatze kateen egoerari buruz ez da informazio berririk. Ospitaleetan gaixo bakarra sartu dute, eta ZIUetan atzo bezala jarraitzen dute, zazpi gaixorekin.

Asteko bilakaerari erreparatzen baldin bazaio, Gasteizen agertu dira kasu positibo berri gehien azkeneko zazpi egunetan: hamalau. Bilbon sei atzeman dituzte, eta Donostian, bost (Amara Berriko osasun eremuan gehienak). Altzon hiru kasu agertu dira, eta Irunen beste hiru (Gipuzkoan). Bestela, kasu bakanak agertu dira herri solte batzuetan. Heriotza kopurua ere asko gutxitzen ari da: aste honetan zortzi gaixo hil dira; aurreko astean, hamasei izan ziren; aurrekoan, 27; eta horren aurrekoan, ekaineko aurreneko astean, 33.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna