Koronabirusa

Hogei milioi koronabirus kasu baino gehiago detektatu dituzte mundu osoan

COVID-19a 188 herrialdetara iritsi da, eta 736.000 lagun baino gehiago hil ditu.

Gizon bat PCR proba egiten, Donostian.
Gizon bat PCR proba egiten, Donostian. Gorka Rubio / FOKU Tamaina handiagoan ikusi

Oihane Puertas Ramirez -

2020ko abuztuak 11

Azken orduotan, hogei milioi koronabirus kasu baino gehiago detektatu dituzte mundu osoan. Johns Hopkins Unibertsitatearen (Baltimore, AEB) arabera, guztira 188 herrialdetara iritsi da COVID-19a, 20.092.855 pertsona kutsatu dira, 736.254 hil, eta hamabi milioi pertsona baino gehiago sendatu.

Ameriketako Estatu Batuak (AEB), Brasil eta India dira pandemian gehien kaltetu diren herrialdeak. Hiruretan hamar milioi kasu baino gehiago daude, mundu osoan atzeman diren erdiak baino gehiago. AEBetan 5.094.565 positibo eta 163.465 hildako erregistratu dituzte, Brasilen 3.057.470 positibo eta 101.752 hildako, eta Indian 2.268.675 eta 45.257. 

Txinan hasi zen pandemia urte hasieran, eta, orain, 88.906 positibo daude han. Zenbaki horrekin, munduan gehien kutsatuta dauden herrialdeetan 30.a da.

Zenbait herrialdetan, ordea, kasuak ez dira 1.000 positibotara iritsi. Horren adibide dira, besteak beste, Txad, Andorra, Bahamak eta Vietnam.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna