Sinadura bilketa bat abiatu dute Irati haurra eta gurasoak Zaballako espetxera hurbil ditzaten

Martxoan 3 urte beteko ditu umeak, eta Aranjuezko kartzelan preso dauden gurasoengandik urrunduko dute.

Irati Gurasoekin Euskal Herrira plataformaren agerraldia, gaur, Bilbon.
Irati Gurasoekin Euskal Herrira plataformaren agerraldia, gaur, Bilbon. Berria Tamaina handiagoan ikusi

Maite Asensio Lozano -

2020ko urriak 8 15:21

Espetxe erregimenetan haurren eta haien gurasoen eskubideak bermatuko dituen araudia aplikatzea: horixe eskatu du gaur Irati Gurasoekin Euskal Herrira plataformak, umea gurasoengandik bana ez dezaten. Izan ere, gurasoekin bizi da Irati Aranjuezko kartzelan (Espainia), baina martxoan 3 urte beteko ditu, eta hori da haurrak espetxean edukitzeko adin muga. Hala, gurasoak gerturatzea galdegin dute, eta espetxe araudian horrelako egoeretarako aurreikusita dauden neurriak hartzea: Zaballako kartzelan (Gasteiz) modulu mistoa zabaltzea eta, Euskal Herrian erregimen irekia hedatzeko, espetxeen menpeko etxeak irekitzea. Eskaerok hauspotzeko, sinadura bilketa bat abiatu dute.

Hain justu, hori izan da gaur plataformak Bilbon egin duen agerraldiaren helburua, sinadura bilketari hasiera ematea; kanpainari atxikimendua agertu dioten eragile batzuek bertan sinatu dute, eta beste batzuek sakelako telefonoen bidez izenpetu dute, webgune honetan: http://iratigurasoekin.eus/ 

Katixa Agirre idazleak plataformarentzat ondutako testua irakurrita, gogora ekarri dute «umeak bigarren mailako pertsona gisa» hartzen direla oraindik, eta haurrek «ahotsa altxatu ezin dutelako» urratzen zaizkiela eskubideak: «Umeak bizi daiteke txirrindularik gabe, piszinarik gabe, marrazki bizidunik gabe, musika eskolarik gabe. Gauza gutxi behar ditu ume batek benetan, baina badago bat guztiz beharrezkoa zaiona: gurasoen babesa, maitasuna eta gertutasuna. Iratik bere gurasoekin egoteko beharra dauka. Iratik bere gurasoekin egoteko eskubidea dauka».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sarek irailaren 14an gaurko mosaikoa iragartzeko eginiko agerraldia. ©Gorka Rubio / Foku

600 pertsonaz osatutako mosaiko bat eratuko du Sarek

Jon O. Urain

Joseba Azkarragak eta Inaxio Oiartzabalek adierazi dute asmoa dela beste espetxe politika bat gauzatzea.

Bilbaoren egoera salatzeko manifestazio bat, Bilbon. ©MONIKA DEL VALLE / FOKU

Iñaki Bilbao euskal presoa erietxera eraman dute

Berria

43 egun daramatza gose greban, eta, AEMren arabera, bere borondatearen aurka ari zaizkio elikagaiak ematen

Eusko Legebiltzarra inguratu dute, euskal errepublikaren alde egiteko

«Benetako burujabetza» babestu dute, Eusko Legebiltzarra inguratuta

Jon O. Urain

Ehun-ek deituta egin dute mobilizazioa; mugimenduak nabarmendu du egungo eredu autonomikoa «giltzarrapo gisa pentsatu» zutela

Aginako, 2013ko uztailean, Auzitegi Nazionalean haren aurka eginiko epaiketan. ©CHEMA MOYA / EFE

Asier Aginako euskal preso ohia hil da, hilabeteetan minbiziarekin egon ostean

Jon O. Urain

2019ko urtarrilean utzi zuten libre, lehen ebakuntza egin eta bi astera. Espetxe sistemak presoen osasunean duen eraginaz ohartarazi dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna