Karabakh

Armeniarren aurkako gerra salatu dute, AP-8a itxita

Hamabost bat ibilgailurekin itxi dute errepidea, Irun eta Hendaia artean, goizeko zortziak eta erdietan. Azerbaijanen erasoa armeniarren aurkakoa dela ohartarazi dute.

Stepanakerteko hilerri militarra, Karabakh Garaian, aste honetan.
Stepanakerteko hilerri militarra, Karabakh Garaian, aste honetan. PABLO GONZALEZ / EFE Tamaina handiagoan ikusi

Berria -

2020ko urriak 17 07:40

Karabakh Garaian piztu den gerra armeniarren aurkako eraso bat dela salatu dute dozenaka herritarrek larunbat goiz honetan. Haserre mintzatu dira, Europak «bizkarra» eman dielako armeniarrei.

Irailaren 27an hasi ziren borrokak Karabakh Garaian. Azerbaijanen mendeko lurretan dagoen arren, armeniarrak dira bertako biztanle gehienak, eta tentsioa etengabea da lurraldean. Ehun hildako baino gehiago utzi ditu gerrak geroztik.

Goiz honetan, hamabost bat ibilgailutan joan dira dozenaka euskal herritar —gehienak armeniar jatorrikoak—, eta AP-8 errepidea itxi dute Irun eta Hendaia artean. 08:30ean hasi dute protesta, eta han egon dira ordubete inguruz, Ertzaintza bertaratu den arte. Hiru bat kilometroko ilarak sortu dira errepidean.

Ertzainek lau lagun identifikatu dituzte, eta beren borondatez utzi dute errepide mozketa; EITBren Donostiako egoitzara joan dira handik, Miramonera. Beren protestaren arrazoiak aurkeztu dituzte han.

Adierazi dute Azerbaijanek «armeniarren kontra» egin duela eraso bat, eta «terroristatzat» jo dituzte Azerbaijango eta Turkiako presidenteak. Utzikeria ere salatu dute: «Europak eta munduak bizkarra eman diete Karabakh Garaiko armeniarrei».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Durango, atzo arratsaldean. Dena itxi behar dute 21:00etatik aurrera. ©Aritz Loiola / FOKU

Alarma egoera ezartzea erabakiko du gaur Espainiako Gobernuak

Edu Lartzanguren

Ministroen Kontseilu berezia egingo dute gaur dekretua sinatzeko, besteak beste Hego Euskal Herriko gobernuburuek eskatuta.

Zumaiako Aitzuri pilotalekuan egingo dituzte PCR probak. ©Baleike

Zumaiako osasun eremuan ere baheketa egingo dute bihartik

Erredakzioa

Zumaiako, Zestoako eta Getariakoko 13 eta 40 urte arteko biztanleei eskatu diete PCR proba egiteko, izurria kontrolatze aldera.

 ©JON URBE / FOKU

«Onartezina da bihar txertoa heltzea eta horretaz gogoetarik egin gabe egotea»

Arantxa Iraola

Txertoa lortzeko ikerketek, hura jartzeko garaia heltzen denerako ezarri behar diren irizpideek, itaun etiko ugari ekarri dituzte. Horietaz gogoetan ari da Ausin, eta, oro har, izurriaren inguruko auzi etikoez. Hitz hau darabil usuenik: «Gardentasuna».

PPko kideak, atzo, Gernikan. ©LUIS TEJIDO / EFE

Gernikako estatutuak 41 urte bete ditu, aldatzearen aldeko aldarri artean

Gotzon Hermosilla

EAJk eta EH Bilduk «estatus berria» behar dela nabarmendu dute. PPk eta PSE-EEk baino ez dituzte antolatu urteurrena ospatzeko ekitaldiak

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna