Margaret Keenan du izena, eta 90 urte ditu. Erresuma Batuan, gaur hasi dute koronabirusaren aurkako txerto kanpaina. Hilaren amaierarako lau milioi pertsonari jarri nahi diete txertoa, eta Keenan izan da horietako lehena.
Coventryn (Ingalaterra) jarri diote txertoa emakumeari, Euskal Herrian 07:30 zenean. Txertoa «urtebetetzeko opari aurreraturik hoberena» izan dela adierazi du emakumeak. Izan ere, 91 urte beteko ditu datorren astean. Pfizer eta BioNTech konpainien txertoa jarri diote. Aurretik, 15.000 pertsonarekin probatu dute txertoa, eta «segurua eta eraginkorra» dela frogatu dute. Irlandarra da jatorriz emakumea, eta, esan duenez, «pribilegiatua» sentitzen da. «Azkenean espero dezaket familiarekin eta lagunekin egoteko aukera izatea urte berrian, azken honetan gehienetan bakarrik egon ondoren».
This is the moment that 90-year-old grandmother Margaret Keenan returned to the ward at her local hospital in Coventry, after she became the first person in the world to receive the clinically-approved #COVIDVaccine this morning ð;Â;ŸÂ‘ÂÂÂÂÂÂÂÂÂð;Â;ŸÂ¾ð;Â;ŸÂ‘ÂÂÂÂÂÂÂÂÂð;Â;ŸÂ¼ð;Â;ŸÂ‘ÂÂÂÂÂÂÂÂÂð;Â;ŸÂ½ pic.twitter.com/80yRjJLRhM
— NHS Midlands (@NHSMidlands) December 8, 2020
Errusian joan zen astean hasi ziren han bertan garaturiko Sputnik txertoa jartzen, baina Pfizer/BioNTechen txertoa erabiltzen lehenengo herrialdea da Erresuma Batua. Txerto hori erosi du Bruselak Europako Batasuneko herrialdeetan erabiltzeko.
