Euskal Irratiek zabaldu duten informazioaren arabera, 56 urteko etxegabe baten gorpua topatu dute gaur Hendaiako (Lapurdi) Kaneta auzoan. Gaineratu dutenez, hildakoa auto baten barruan aurkitu dute. Adierazi dutenez, litekeena da gaua ibilgailuaren barruan igaro izana. Oso tenperatura baxua egin du gaur gauean eta goizaldean Euskal Herri osoan: Agurainen (Araba) zero azpitik 14,8 gradu neurtu dituzte. Kostaldean ere zero azpikoak neurtu dituzte.
Joan den abenduaren 25ean beste etxegabe bat hilik topatu zuten, Zarautzen (Gipuzkoa), kaleko eserleku batean, gaua han igaro ondoren.
56 urteko etxerik gabeko pertsona bat hilik atxeman dute goiz honetan Hendaiako Kaneta auzoan, auto baten barnean. #Hendaiapic.twitter.com/w1V5DDjxxU
— Euskal Irratiak (@euskalirratiak) January 6, 2021