Albistea entzun

Sabasek adierazi du Osakidetzak bazuela txertaketaren berri

Haren arabera, Osakidetzako arduradunei abisatu zien, eta Osasun sailburuarekin ere hitz egin zuen: «Ez dugu ezer txarrik egin». Erantsi du ez zela bere karguaz baliatu txertoa jartzeko.

Jose Luis Sabas Bilboko Santa Marina ospitaleko zuzendari ohia, artxiboko irudi batean.
Jose Luis Sabas Bilboko Santa Marina ospitaleko zuzendari ohia, artxiboko irudi batean. Marisol Ramirez / FOKU Tamaina handiagoan ikusi

Amaia Ramirez de Okariz Kortabarria -

2021eko urtarrilak 22 07:25

Jose Luis Sabas Bilboko Santa Marina ospitaleko buru ohiak jakinarazi du Osakidetza txertaketen jakitun zela, eta dimisioa «mehatxuengatik» aurkeztu zuela. Hain zuzen, El Correo egunkarian eginiko elkarrizketa batean eman du berria. Haren arabera, Osakidetzako arduradunei abisatu zien ospitalean «txertaketa jendetsu bat» egingo zutela, COVID-19ak bertan eragin handia izan zuela erantsita. Oniritzia eman ziotela azaldu du, eta, gainera, joan den ostiralean, hilaren 15ean, Gotzone Sagardui Eusko Jaurlaritzako Osasun sailburuarekin ere hitz egin zuela. Azpimarratu du Osasun Sailetik oztopoak jarri baino, zenbat txerto behar zituzten galdetu zietela: «Ez dugu ezer txarrik egin. Etikoki ere ez. Ospitale bateko zuzendariek beste edozein langilek adina aukera dute kutsatzeko».

Hain zuzen, Sabasek herenegun eman zuen dimisioa, Eduardo Maiz Bilboko Basurtuko ospitaleko zuzendariarekin batera, Osakidetzak ezarritako protokoloa bete ez eta COVID-19aren aurkako txertoa jarri zutelako. Osasun Sailak berretsi zuen bi zuzendariei ez zegokiela txertoa jartzea, eta Sagarduik azpimarratu zuen protokoloak «argiak eta zorrotzak» direla. Bi buru ohiak Bilboko EAJko udal zinegotzi izandakoak dira. Talde politikoek eta sindikatuek ikerketa bat abiatzeko eskatu zuten.

Sabasen arabera, Santa Marina erietxeak Arabako, Bizkaiko eta Gipuzkoako COVID-19aren «tasa handienetarikoa» izan du izurritean, eta adineko pertsona ugari ez ezik, zahar etxeetako egoiliarrak ere jaso ohi ditu: «Leku horietan, mundu guztiari jartzen zaio txertoa». Nabarmendu du ez dela bere karguaz baliatu txertoa jartzeko: «Nire karguaz baliatu izan banintz, pandemiaren lehen olatuan baja hartuko nukeen».

Gertaeren osteko erreakzioak

Jose Luis Sabas Arabako EAJko lehendakariaren ustez, Sabasen hitzek ez dute «argi» adierazten Osasun sailburuari zer esan zion, eta, gainera, erantsi du zuzendari ohia izanik, ez zela osasun arloko langile bat. «Ez dut uste oso zaila denik hori interpretatzea». Gertakariak «puntualak eta gaitzesgarriak» direla erantsi du Radio Euskadin eginiko elkarrizketa batean, eta «min» ere egiten dutela. Horrelako egoerekin amaitzea espero du: «Denok gaude txertoaren zain». Gainera, txerto bat «soberan» egon eta emateko aukera izango balu galdetuta, erantzun du ez lukeela emango, hori ezartzen duen protokolo bat dagoelako.

Arnaldo Otegi EH Bilduko koordinatzaile nagusiak, berriz, gertakariak «oso larritzat» jo ditu, eta adierazi du «indibidualismoa» dagoela beste ezeren gainetik: «Larria da gertatu dena, eta kasta bat dagoela proiektatzen da. Horrek atea irekitzen dio faxismoari». EAJko kideei ere erreferentzia egin die, «asko triste egongo direla» gaineratuta: «Herrialde honekiko konpromisoa lausotzen denean eta interes pertsonalak lehenesten direnean, horrelakoak gertatzen dira».

 

 

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Pertsona bat COVID-19aren aurkako txertoa jasotzen ©Gorka Rubio/ Foku

Osakidetzak iragarri du 30 urtetik gorakoek hirugarren dosia har dezaketela gaurtik

Berria

Baliteke Araban, Bizkaian eta Gipuzkoan aste honetan bertan zabaltzea dosi gehigarria 18 urtetik gorakoei ere.

Lanbideren egoitza bat, Bilbon. ©Luis Tejido / EFE

AETek salatu du Lanbideren 585 ikastaroetatik bakarra dela euskarazkoa: euskara ikastaroa

Berria

Gaur Lanbideren webgunean ageri diren 574 ikastaroetan ez dago euskarazkorik. Administrazioan Euskaraz Taldeak Lanbideri eskatu dio «baldintzak» jar ditzala herritarrek halako ikastaroak euskaraz egiteko aukera izan dezaten.

Ostalari bat osasun ziurtagiria egiaztatzen, artxiboko irudian. ©Guillaume Fauveau

Txertaketa agiria onetsi du Frantziako Parlamentuak

Oihana Teyseyre Koskarat

Zenbait diputatuk helegitea ezarri dute Kontseilu Konstituzionalean, eta ostegunean espero da haren erantzuna.

Protokolo berriekin «ikasgela guztiak irekita» ari direla esan du Bildarratzek

Protokolo berriekin «ikasgela guztiak irekita» ari direla esan du Bildarratzek

Arantxa Iraola

Lehengo astean 3.032 ordezkatze «kudeatu» behar izan zituztela esan du: «Egunean seiehun ordezkapen».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.