Albistea entzun

Ia hamahiru urteko espetxealdia Niebla hiltzea akusatutakoarentzat

Hamabi urte eta 11 hilabeteko kartzelaldia ezarri dio epaileak, baita bost urteko baldintzapeko askatasuna ere. Genero astungarria aintzat hartu dute.

Abendua erdialdean izan zen Nieblaren hilketari buruzko epaiketa.
Abendua erdialdean izan zen Nieblaren hilketari buruzko epaiketa. JAVIER ETXEZARRETA / EFE Tamaina handiagoan ikusi

Maider Galardi F. Agirre -

2021eko urtarrilak 22 17:05

Asier Niebla Urnietako (Gipuzkoa) gaztea hiltzea leporatuta, ia hamahiru urteko kartzela zigorra bete beharko du gizonezko batek, epaileak zinpeko epaimahaiaren erabakia berretsi ostean. Giza hilketa egotzi zioten duela hilabete, eta hamabi eta hamabost urte arteko zigorra bete zezakeen, gehienez. Epaileak zehaztu du hamabi urte eta 11 hilabetekoa izango dela espetxealdia, eta bost urte egin beharko dituela baldintzapean aske. Nieblaren gurasoei ehuna mila euroko kalte-ordainak eman beharko dizkie, gainera; eta, anai-arrebei, 40.000 euro.

Bestalde, epaileak aintzat hartu du genero astungarria. Izan ere, 2018ko urriaren 11n hil zen Niebla, bi hilabetez koman egon ostean. Bi hilabete lehenago, andre batekin hizketan ari zela, gizonezko batek kolpe bat eman zion buruan, eta, erorita, konorterik gabe gelditu zen. Erasotzailearen bikotekide ohia zen emakumea. Akusatuak epaiketan deklaratu zuen bikotekide ohia Nieblarekin ikusi eta «inpotentziagatik» jo zuela.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Egoiliar baten eskua, langile batenari helduta. ©BRAIS LORENZO /EFE

«Larriki mugatutako» bizitzak

Maria Ortega Zubiate

Bizkaiko Bioetika Batzordeak txosten bat egin du salatzeko pandemian zahar etxeetako egoiliarren eskubide eta askatasunak ez direla behar bezala errespetatu. Neurriak leundu ditzatela eskatu du

Osasun langile bat PCR proba bat egiten gazte bati, Ordizian. ©Javier Etxezarreta / Efe

394 positibo atzeman dituzte Hego Euskal Herrian

Berria

Positibo tasa %4,11 izan da, eta kutsatuen kopuruak beheranzko joerari eutsi dio. Hegoaldeko erietxeetako ZIUetan 142 pertsona daude

Bedaioko landa eremuan «oinarrizko azpiegiturak» eskatzeko protesta

Instituzioen «adar jotzea» salatu dute Bedaioko bizilagunek

Berria

Manifestazioa egin dute Tolosan, «oinarrizko azpiegiturak» eskatzeko. Otsail hasieratik daramate telefono zerbitzurik gabe.

 ©BERRIA

«Epaitegi espezializatuek ez dute bermatzen emakumeek tratu hobea jasotzea»

Maite Asensio Lozano

Espainiako Gobernuaren sexu askatasunerako legeari CGPJk egindako kritiken harira, nabarmendu du arazo askoren konponbidea ez dagoela zigor zuzenbidean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.