Albistea entzun

Istiluak

Urkullu: «Probokazio eta eraso bortitzen aurrean, Ertzaintza orekaz eta neurriz jardun da»

Eusko Jaurlaritzako lehendakariak Facebooken hizpide izan ditu «azken egunetan hainbat herritan izandako liskarrak eta arazoak» : «Udaltzaingoaren eta Ertzaintzaren helburua osasun publikoa eta gizarte bizitza defendatzea izan da».

Ertzaintza Donostiako Alde Zaharrean, joan den larunbatean.
Ertzaintza Donostiako Alde Zaharrean, joan den larunbatean. Gorka Rubio / Foku Tamaina handiagoan ikusi

Paulo Ostolaza -

2021eko urtarrilak 25 12:50

«Nire babes eta gertutasun osoa adierazten diet udalerri bakoitzeko Udaltzaingoari eta Ertzaintzari». Iñigo Urkullu Eusko Jaurlaritzako lehendakariak argi utzi du zein den bere jarrera azken egunetan hainbat herritan Ertzaintzarekin eta Udaltzaingoarekin izandako istiluak direla eta. Atzo adierazi zuen, Facebooken egindako argitalpen baten bidez.

Ertzaintzak azken egunetan hainbat aldiz hartu du Donostiako Parte Zaharra —larunbatean ehunka herritarrek gaitzetsi zuten Ertzaintzaren jokabidea—, eta Liskarrak izan dira, besteak beste, Pasaian (Gipuzkoa) eta Santurtzin (Bizkaia). Segurtasun Sailaren arabera, Santurtzin kaleko edanean ari zen lagun bat atxilotu zuten larunbatean, Ertzain bat zauritu izana leporatuta. Atzo ere Ertzaintzaren hainbat furgoneta izan ziren Santurtziko kaleetan.

Urkulluren iritziz, oso kezkagarriak dira gertakari horiek. Koronabirusaren hedatzea eteteko hartu dituzten neurriak beharrezkoak eta eraginkorrak direla azpimarratu eta gero, «bizikidetzaren aurka doazenen ekintzak» arduragabeak direla adierazi du, «zoritxarrez».

«Inoiz zentzurik ez duten probokazio eta eraso bortitzen aurrean, Udaltzaingoak eta Ertzaintzak profesionaltasuna erakutsi dute, orekaz eta neurriz jardun dira. Beraien jardunaren helburua osasun publikoa eta gizarte bizitza defendatzea izan da», gaineratu du Urkulluk.

Joan den asteazkenean, Donostian, «jotzeko egingo dugu tiro», adierazi zuen ertzain batek pilotakadaka hasi aurretik, baina lehendakariak irmo defendatu du Poliziaren jarduna: «Udaltzaingoaren eta Ertzaintzaren jarduera eskertzen, aitortzen eta babesten dut».

Amaitzeko, azken egunetan izandako mobilizazioak erabat gaitzetsi ditu Urkulluk, haren hitzetan, «gizarte osoa pairatzen ari den une zail honetan beharrezko bizikidetza zalantzan jartzen duten mobilizazioak» baitira.

Ildo berean

Urkulluk azken astean Jaurlaritzako eta Ertzaintzako beste hainbat goi kargudunek erakutsitako jarrera bera hartu du. Josu Erkoreka Segurtasun Sailburuak, adibidez, hala babestu zituen Poliziak: «Onartu ezin daitekeen jazarpena jasan zuten». Istiluetan «bizikidetza asaldatu» eta kalteak eragin zirela gaineratu zuen, eta babes osoa adierazi zien Ertzaintzari eta Udaltzaingoari.

Babesa ez ezik, «jotzeko tiro egitea» agintzea justifikatu ere egin zuen Josu Zubiaga Jaurlaritzako segurtasun sailburuordeak, asteazkeneko istiluen ostean: «Protokoloaren parte da jotzeko tiro egitea». Foam motako jaurtigaiak izan zituen hizpide: «Materiala halako egoeretarako eginda dago. Aldez aurretik erabili zen, jendearengana iritsi aurretik, abisu gisa, baina, halako batean, pertsonei jaurtitzen zaizkie». Anabasa sortzen zutenei ematea izaten zen xedea, azaldu zuenez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Txertaketaren aurreko urratsak

Txertaketaren aurreko urratsak

Miren Garate - Gipuzkoako Hitza

Txertoak jarriko diren gunera eraman aurretik, Hernaniko Bexen Medical Oiarsok gordetzen ditu Pfizerren dosiak, ultraizozkailuetan, eta enpresa arduratzen da desizozteaz ere. Kontrol zorrotza eskatzen du prozesuak; era berean, ezinbestekoa da une oro tenperatura egokiari eustea.

Zarauzko moila zulatuta, iazko otsaileko denboralearen ondorioz. Golkoko itsaslasterra ahultzeak halako fenomeno bortitz gehiago eragingo dituela adierazi dute. ©FOKU

Euskal Herria epeltzen duen ur lasterra ez da egon horren ahul mila urtean

Edu Lartzanguren

Alemaniako, Erresuma Batuko eta Irlandako zientzialari talde batek Golkoko itsalasterraren azken 1.600 urteko historia berreraiki du. Ikertzaileek uste dute litekeena dela neguko ekaitza bortitzagoak ekartzea itsaslasterra ahultzeak.

Egunean 560.000 musuko egiteko gai
Neurriek

Egoiliarren eskubideak eta askatasunak «larriki mugatu» dituztela salatu du Bizkaiko Bioetika Batzordeak

Maria Ortega Zubiate

Bisiten kopurua eta maiztasuna handitzea eta egoiliarren arteko harremanak berriz ezartzea proposatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna