Albistea entzun

Musika

Gazte autotuneatuen egunerokotasuna kantu bihurtu du Chill Mafiak

'Gazte arrunten koplak' izenburupean, Xabier Leteren kanta gaurkotu egin du taldeak, eta abestiarekin eginiko bideoak sareetan bolo-bolo ibiltzea lortu du.

Bideoaren irudi bat.
Bideoaren irudi bat. Chill Mafia Tamaina handiagoan ikusi

Edu Lartzanguren -

2021eko otsailak 1 09:13

Duela egun batzuk, Gazte arruntaren koplak kantuaren bideokliparen aurrerapen bat sareratu zuen Chill Mafia taldeak, eta igande gauean bideo osoa. Atzo, 16:20rako, 19.681 ikustaldi zituen bideoak Youtuben, eta sare sozialetan bolo-bolo zebilen.

Gazte arruntaren koplak kantua bertsio bat da, Xabier Letek 1976. urtean plazaraturiko Kantatzera noazu diskoko Gizon arruntaren koplak kantuaren bertsio gaurkotua. Gaurko gazteen bizimodu arrunta islatu nahi du, eta jatorrizko kantaren tonu umoretsua errespetatu du, baita bertso batzuk ere: Ez naiz ni gizon txarra, baina, zer arraio / Fidel Castro izateko, ez bainintzan jaio.

Hona Chill Mafiaren bertsioaren bertsoetako batzuk:

Kantatzera noazu bertso bat edo bi
herenegun jarri gazte arruntari
Julen, Xabier, Iñaki, Ander edo Matxin
gauza ederra denik ez ukatu niri

Goizean jaikitzean lehenbiziko gauza
Instagram ireki eta nolako zalantzak
neska gazte politen argazkiak, latzak,
Erreakzio pare bota eta sartzen naiz saltsan

Ohetikan altxatu eta armairua ireki
prozedura hura ulertu ezinik nabil
Lurrean hautsa hartzen arropa ugari
usai txarra isurtzean ez naiz jartzen larri
kolonia pixka bat eta kalera oso manin

Meme bat egiteko ez nabil oso mantso
sei kolektibok jo nahi ninduten atzo
Ronaldinho bezala ez begira eta ixo
Nahikoa daukat burutik izateaz gaixo

Kalera irtetean hau da komeria
munipa pare batek geldi nautenean
porruak, armak edo beste zerbait bila
nire 'Biosolan'-a aurkitu ezinean
bitamina falta nabaritu agian

Ez nindoan oso gaizki etxe eta ikastolan
gauza txarrak eginik lapurtzen altxorrak
futbolera jolasten ez banintzen ona
atezain jarriko naiz ez sartzeko gola
merendoletan drogak, Fanta, Coca-cola

Lana ederra egin dut unira joateko
drogak-eta saltzeko eta ere ikasteko
ikasi eta gero berriz ikasteko
aitaren etxera buelta lanik ez balego
azkenean familiarekin badaukat apego

Lehen ere egin ditu taldeak halako bideoak, gazteen egunerokoaren inguruko erretratu autobiografikoaren eta ironikoaren artean. Urtarilaren 10ean, Zure kebapa kantuaren bideoa estreinatu zuten

Bideoekin datorren mezu baten arabera, badirudi otsailaren 14rako Ezorregatik x berpizkundea izeneko lana plazaratuko dutela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Ez dakit hizkuntzak ez ote nauen ni menderatzen nik bera baino gehiago»

Itziar Ugarte Irizar

Mundu baten bukaera bizitzearen kontzientziaz eta pertsonala eta kolektiboa «harmonizatzeko» nekeaz aritu da 'Landura' lan berrian. Hamargarren poema liburua du, eta, bide horretan, komunitate bati idaztearen sentipena izan du lagun.

Bingen Zupiria sailburua eta Aizpea Otaegi Errenteriako alkatea, atzo, liburuaren egileekin. ©ANDONI CANELLADA / FOKU

Arbola sendoa musikaren ekosisteman

Naroa Torralba Rodriguez

'Musikaste 1973-2022. Euskal musikaren 50 urte' liburua eman du Eresbilek. Jaialdiak mende erdia bete duela-eta argitaratu dute

Maialen Lujanbiok idatzi du liburuko testua, eta Arrate Rodriguezek ondu ditu ilustrazioak. Irudian, bi egileak, atzo, Donostian. ©JAGOBA MANTEROLA / FOKU

'Traste arrunten barruan zuk zer ikusten duzu?' album ilustratua argitaratu dute

Miren Mujika Telleria

'Traste arrunten barruan zuk zer ikusten duzu?' album ilustratua argitaratu dute Maialen Lujanbiok eta Arrate Rodriguezek, Pamiela argitaletxeko Bagara sailean. Albumak Rosa Valverde artistaren lana ezagutaraztea du xede

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.