Albistea entzun

Musika

Bunny Wailer musikari jamaikarra hil da

Bob Marleyrekin batera, The Wailers taldearen sortzaileetako bat izan zen. 73 urterekin hil da, Kingston hiriburuko erietxe batean.

Bunny Wailer musikaria, 2014an emandako kontzertu batean.
Bunny Wailer musikaria, 2014an emandako kontzertu batean. Tamaina handiagoan ikusi

Ainhoa Sarasola -

2021eko martxoak 2 09:15

The Wailers taldeko hiru kide sortzaileetako bat izan zen Bunny Wailer abeslari, konpositore eta perkusionista jamaikarra, Bob Marleyrekin eta Peter Tohsekin batera. Taldearekin lehenik, eta bakarka gero, reggae musika nazioartean ezagutzera eman zuen musikari nabarmenetako bat izan zen. Kingston hiriburuko erietxe batean hil da, 73 urte zituela.

Jamaikan 1947. urtean sortu zen Wailers, Neville Livingstone izenarekin. Marley eta bera txiki-txikitatik izan ziren lagunak. Joe Higgs reggae musikariak gidatu zituen lehen urratsetan, eta haren bidez ezagutu zuten Tosh ere. Hala, hirukotea osatu, eta Kingstonera abiatu ziren musika ibilbideari ekiteko. Handik gutxira, Junior Braithwaite, Beverley Kelso eta Cherry Smith batu zitzaizkien taldera. The Wailers izena hartuta, Studio One diskoetxearekin plazaratu zuten lehen pieza, Marleyk idatzitako Simmer Down kantua; Jamaikan lehen postuan egotera heldu zen abestia. Braithwaite, Kelso eta Smith taldetik aldendu ziren gutxira, eta hastapenetako hirukotearen eskutik heldu zen taldearen lehen diskoa: The Wailing Wailers (1965ean). Beste hainbat lan helduko ziren haren atzetik, tartean, Soul Rebels (1970), Soul Revolution (1971) eta nazioartean sona bereziki handia ekarri zien Catch a Fire (1973).

Burnin' (1973) plazaratu ondotik, Wailerrek eta Toshek taldea utzi zuten, eta bakarkako bidean, beste hainbat disko ondu zituen Wailerrek, tartean, Blackheart Man (1976) eta Rock 'n' Groove (1981).

 

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...