Albistea entzun

Ingurumena

Jaurlaritzak auzitara jo du Armentia II-n zundaketak egiteko baimena ukatzearen aurka

Gasteizko Udalak abenduan ukatu zion baimena, eta orain orduko jarrerari eutsiko diola azaldu du Gorka Urtaran alkateak.

Eusko Jaurlaritzak Subilla Gasteizko eremuan egin nahi du Armentia II putzua, eta Gasteizko Udalarena da jabetza.
Eusko Jaurlaritzak Subilla Gasteizko eremuan egin nahi du Armentia II putzua, eta Gasteizko Udalarena da jabetza. JAIZKI FONTANEDA / FOKU Tamaina handiagoan ikusi

Jon O. Urain -

2021eko martxoak 3 13:22

2016an, Eusko Jaurlaritzak baimena eskatu zuen Subilla Gasteizko Armentia-II hobian gasa ustiatzeko, Sesha enpresa publikoaren bidez, eta Gasteizko Udalari zegokion ematea. Oposizioa lizentzia hori ematearen aurka egon da orain arte, argudiatuta ez zela bateragarria besteak beste Gasteizko Hiri Antolamenduko Plan Orokorrarekin, eta erregai fosilak erretzeak «etorkizun energetikoa hipotekatuko» lukeelakoan trantsizio ekologikorako bidean. Iazko abenduan, udalak erabaki zuen baimenik ez ematea.

Orain, Jaurlaritzak auzibidera joko du erabaki horren aurka, eta Shesak helegitea jarriko du, Jaurlaritzako Garapen Ekonomikoko eta Lehiakortasun Sailak jakinarazi duenez. Arantxa Tapia sailburuak azaldu du gasa «trantsiziozko energia bat» izango dela eta «zero kilometroko» energia iturri bat baliatu nahi dutela: «Jakin behar dugu badagoen, zenbat dagoen eta erabilgarria ote den».

Hori ikusita, Gorka Urtaran Gasteizko alkateak esan du udalak baimena ukatzearen aldeko jarrerari eutsiko diola auzitegietan. Radio Euskadin, Urtaranek azaldu du udalak ez duela iritziz aldatuko eta jarraituko duela «Gasteizen ongi gorena defendatzen».

Bestalde, Jaurlaritzak helegitea jarriko duela eta, EH Bilduren Gasteizko udal taldeak adierazi du Urtaranek eta EAJ «berriro kale» egin diela herritarrei, uste baitu helegitea jartzeko erabakiak «bizkarra» ematen diola Gasteizko «eta Araba osoko gehiengo sozial eta politikoaren borondateari».

Ahal Dugu-k, berriz, EAJri leporatu dio «Arabako erakundeei eta Arabako gizartearen gehiengoaren borondateari errespetua galtzea». Gogora ekarri du proiektuak «gainerako alderdien, Gasteizko Udalaren eta Arabako Batzar Nagusien gaitzespena» jaso duela, eta EAJri egotzi dio «interes orokorra kontrajartzea, bere interesak lehenesteko eta merkatuaren logika inposatzeko».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Janssen txertoaren banaketa atzeratu egin dute EBn, AEBetako tronbo kasuak argitu artean

Janssen txertoaren banaketa atzeratu egin dute EBn, AEBetako tronbo kasuak argitu artean

Arantxa Iraola

AEBetako CDC eta FDA osasun erakundeek txertoa jartzeari uzteko eskatu dute, hainbat tronbo kasu «arraro eta larrirekin» lotura dutelakoan. Osakidetza bihar da lehen dosiak jasotzekoa.

Aurtengo Herri Urrats edizioa aurkezteko pentsaurrekoa egin dute goizean, Kanbon. ©Guillaume Fauveau

30 Herri Urrats Ttiki eginen dituzte maiatzaren 9an, herriz herri

Oihana Teyseyre Koskarat

Egoera sanitarioagatik ikastola bakoitzak bere egitaraua prestatuko du Boga lelopean. Seaskak, bestalde, ikastola bat irekiko du Bardozen, irailean. 

Labiren batzorde teknikoaren bileraren buru izan da gaur Iñigo Urkullu lehendakaria ©Adrian Ruiz de Hierro /Efe

Urkulluk baztertu egin du, oraingoz, Labiren bilerara deitzea

Edurne Begiristain

Eusko Jaurlaritzak uste du indarrean dauden neurri murriztaileak betetzea nahikoa dela birusaren hedapena eteteko.

Guardia Zibila Nafarroaren mugetan kontrolak egiten, artxiboko irudi batean. ©RAQUEL MANZANARES, EFE

Nafarroako lau herri itxiko dituzte: Arbizu, Etxarri Aranatz, Lodosa eta Alesbes

Uxue Rey Gorraiz

Herriak ostegunetik egonen dira itxita, eta neurria bi astez izanen da indarrean, gutxienez. Gainera, testak egitera deitu dituzte Etxarri Aranazko eta Alesbesko hainbat herritar.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.