Albistea entzun

EUSKAL PRESOAK

Maiatzaren 8an 650 tontorretara igotzeko deia egin du Sarek

Urrirako zeukaten prestatuta egitasmoa, baina eguraldi makurraren ondorioz bertan behera utzi zuten euskal presoen eskubideen aldeko protesta. Urruntze politika bukatzea eta gradu progresioa aplikatzea galdeginen dute.

Sareko kideak, gaur, Bilbon egindako agerraldian.
Sareko kideak, gaur, Bilbon egindako agerraldian. FOKU Tamaina handiagoan ikusi

Maddi Ane Txoperena Iribarren -

2021eko martxoak 10

Urriaren 3an egin behar zuen Sarek euskal presoen eskubideen aldeko mendietako protesta, baina, eguraldi iragarpen txarraren ondorioz, bertan behera utzi behar izan zuten. Maiatzaren 8rako jarria dute hurrengo data: Euskal Herriko 650 tontor igo nahi dituzte euskal presoen eskubideen alde, eta egitasmoan parte hartzeko deia egin diete herritarrei. Bego Atxa Sareko bozeramaileak jakinarazi duenez, «presoak etxera itzultzeko bidearen hasiera» aldarrikatuko dute mendietan, eta, horretarako, urruntze politika bukatzea eta preso guziei gradu progresioa aplikatzea galdeginen dute.

Sarek jakinarazi duenez, Izan Bidea dinamikaren barnean dagoeneko ia milioi bat kilometro egin dituzte herritarrek. 3.127.326 kilometro egitea dute helburua: «Gure konpromisoa da Euskal Herrian bizi garen herritar beste kilometro egitea», azaldu du gaur Atxak. Egindako urratsek «helburu argia» dute, Sareren erranetan: «Euskal presoen egoera konpontzea eta bizikidetza eta bakea lortzeko bidean aurrera egitea». Eritasun larriak dituzten presoen eta ume motxiladunen egoeraz ere ohartarazi du Atxak, eta salbuespen politikak bukatzeko eskatu du.

Erronka «historikoa»

Euskal presoen eskubideen aldeko mugimenduaren hitzetan, «erronka historikoa» da aldi berean Euskal Herriko 650 tontor igotzea. Azaldu dutenez, halaber, aukera guztietarako mendiak hautatu dituzte: «Zailtasun handiko, ertaineko eta txikiko mendiak dira, parte hartu nahi duten guztiei parte hartzeko aukera bermatu nahi diegulako: mendizale esperientziadunei, familiei, umeei, helduei, nagusiei, gazteei. Baita mendira urtean behin baino ez doazenei ere. Aukera zabala eskainiko dugu, bakoitzak bere neurrirako mendia hauta dezan». 

Parte hartu nahi dutenek 650tontor.sare.eus web orrian eman ahal izanen dute izena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Donostiako Udaleko zinegotziak deklarazioa sinatzen. ©Andoni Canellada / FOKU

Arabako, Bizkaiko eta Gipuzkoako 125 udalbatzak sinatu dute Euskaldunako deklarazioa

Berria

Iazko abenduan aurkeztu zuten euskal presoak Euskal Herriratzeko adierazpena, eta hainbat taldek bat egin zuten: EAJk, EH Bilduk, Elkarrekin Podemos-IUk, ELAk, LABek, UGTk, CCOOk, Steilas-ek, EHNEk, ESK-k, Hiru-k, Etxalde-k, CGTk eta CNTk. 

Autogobernuan «aurrerapausoak» ematen jarraitzeko prest daude

Autogobernuan «aurrerapausoak» ematen jarraitzeko prest daude

Igor Susaeta

Espetxe kudeaketa eta beste hiru eskumen transferitzeko akordioa sinatu dute Eusko Jaurlaritzak eta Espainiako Gobernuak. Bi aldeek adierazi dute akordiorako borondatea daukatela

Ezkerretik eskuinera, Alfonso Zenon, Jone Goirizelaia eta Aiert Larrarte abokatuak, atzo BIlbon eginiko agerraldian. ©MONIKA DEL VALLE / FOKU

13/13 auzia «irregulartasunez betea» dela salatu dute abokatuek

Maite Asensio Lozano

Prozedura judizialean zehar egindako jardunbideak baliogabetzeko eskatuko dute. Akordiorik lortu ezean, uztailaren 12an hasiko da zortzi abokaturen aurkako epaiketa

Arnaldo Otegi, igandean, kongresuaren bukaerako hitzaldian. ©JAIZKI FONTANEDA / FOKU

«Inprobisazioaren» alternatiba EH Bildu dela aldarrikatu du Otegik

Ainhoa Larretxea Agirre

Herritarren kezkak ikusirik EH Bilduk «helduleku» izan nahi duela esan du koordinatzaileak. Mahai Politikoaren lehen bilera egin dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.