Albistea entzun

Mendebaldeko Sahara

Saharako hainbat umek eskutitz bat bidali diote Joe Bideni

Sahara herri gisa onar dezala eskatu diote Mendebaldeko Saharako hainbat haurrek Bideni. Errefuxiatuen kanpamentuetara gonbidatu dute, egoera bertatik bertara ikusteko.

Joe Bideni bidali dioten gutuna.
Joe Bideni bidali dioten gutuna. Tamaina handiagoan ikusi

Ainhoa Larretxea Agirre -

2021eko martxoak 11

Saharako errefuxiatuen kanpalekuetan bizi diren hainbat haurrek gutun bat bidali diote Joe Biden Ameriketako Estatu Batuetako presidenteari, Sahara herri gisa onar dezan. «Espero dugu zu ez izatea aurreko presidentea bezalakoa, Sahara Marokoren zati bat dela esaten zuen hori bezalakoa, hori ez delako egia». Donald Trumpek, Bidenen aitzineko presidenteak, Mendebaldeko Sahara Marokoren zati bat zela erran zuen, presidentetza utzi aurretik, eta lurrikara politikoa eragin zuen horrek. 

«Gu errefuxiatuen kanpamentuetako neska-mutilak gara, eta 45 urte daramatzagu hemen. Pobreak gara gure lurralderik ez dugulako eta Donald Trumpek gure ametsa hautsi zuelako, baina orain esperantza dugu zuregan, erbesteaz nekatuta gaude eta». Idatzi diote haurrek Bideni.

Haurrek Bideni idatzi diote beren herrira itzuli nahi dutela, eta hango arnasa hartu nahi dutela. Laguntza eskatu diote horretarako: «Gure lurraldean bizi nahi dugu, eta bakean bizi nahi dugu, eta ez dugu gerra gehiagorik nahi munduan; are gutxiago hemen».

 

Bideni gutuna bidali dioten haurretako bat. 

Beren bizitzaren nondik norakoen berri eman diote haurrek Bideni, eta kontatu beren anaiak eta aitak gerrara joan behar izan direla Marokok Mendebaldeko Saharan jendea jotzen, kartzelatzen eta hiltzen duelako. «Zuk erokeria hau geldiarazten ahal duzu; urteak daramatzagu bakeari eusten eta erreferendumaren zain», esan diote.

«Eskutitz hau idazten dizugu zure laguntza eskatzeko, gure lurraldera itzultzen laguntzeko, mesedez, gure kaleetan barna paseatu nahi dugulako, zeruko izarrak ikusi eta gure lurraldean zahartu ahal izateko. Ez dugu nahi gure aitona-amonei gertatutakoa guri gertatzerik, gure lurraldean lurperatuak izan gabe hil baitziren», idatzi diote. 

Haurrek errefuxiatuen guneetara gonbidatu dute Biden, beraiekin tea hartzeko eta «askatasunez bere lurraldera itzuli nahi duen herri bat» direla esateko.

Bideni bidalitako gutunean haurrek egindako sinadurak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Eukalipto baso bat, Portugalen. 2017an, 66 pertsona hil ziren Pedrogao Granden sute baten ondorioz. ©CARLOS GARCIA / EFE

Monolaborantzaren sustraiak

Arantxa Elizegi Egilegor

Portugalek eta Galiziak indarrean jarri dituzte eukalipto eremuak gutxitzeko neurriak. Egitasmoek, baina, enpresen eta oposizioaren kritikak eragin dituzte.
Via Galega plataformaren ekitaldi bat. ©BERRIA
Salvini, irudian ezkerretera eta behean, goiz honetan Parlemoko Auzitegian egin duten saioan. ©ORIETTA SCARDINO / EFE

Bahiketa egotzita epaituko dute Matteo Salvini

Mikel P. Ansa

Open Arms itsasontziari portuan sartzea debekatu zionean pertsonen bahiketa delitu bat egin zuela egotzi diote. Irailaren 15ean hasiko da epaiketa.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.