Albistea entzun

Musika

Beyonce eta Taylor Swift, Grammyetako irabazle nagusiak

Arrazakeriaren inguruko hausnarketez bete dituzte AEBetako musika sariak.

Beyonce eta Megan Thee Stallion rap abestirik onenaren saria jasotzeko unean, 'Savage' kantarengatik.
Beyonce eta Megan Thee Stallion rap abestirik onenaren saria jasotzeko unean, 'Savage' kantarengatik. Tamaina handiagoan ikusi

Edu Lartzanguren -

2021eko martxoak 15 10:32

Dagoeneko 28 Grammy sari ditu Beyonce abeslariak, eta inoiz garaikur gehien irabazitako emakumea da sarion historian. Bart banatu dituzte Grammyak Los Angelesen (AEB). Taylor Swift izan da gaueko beste protagonista nagusietako bat. AEBetako Arte eta Zientzien Grabazio Akademia Nazionalak banatzen ditu sariok, eta 1958an hasi ziren ematen.

Orain arte Alison Krauss bluegrass abeslaria zen Grammy gehien zituen emakumea, baina Beyoncek gainditu egin du.

Beste marka bat hautsi du Taylor Swift kantariak: lehenengo emakumezkoa da urteko diskoaren saria jasotzen hiru urtez jarraian. Bakarrik Frank Sinatrak, Paul Simonek eta Stevie Wonderrek lortu dute hori. Folklore diskoarengatik eman diote saria Swifti.

Billie Eilishek urteko grabaketaren saria jaso du, Everything I Wanted kantuarengatik. H.E.R kantugileak, urteko abestiaren saria, I Can't Breathe abestiarengatik. Urteko grabaketaren saria kantu baten abeslariari ematen diote, pieza berea izan edo ez; urteko abestiaren saria, berriz, kantu baten egileari. Artista berriaren saria Megan Thee Stallionek eraman du.

Beltzen egoera, gai nagusia

Beltzek AEBetan pairatzen duten egoera izan da gaueko gai nagusia. Beyonceren saria aurkeztu dutenez, haren Black Parade azken diskoa aipatu dute. Black power mugimendua da horretan protagonista. «Garaion inguruan hausnartzeko betebeharra» duela adierazi du artistak, eta «erregin eta errege beltz ederrak» kantugai bihurtzen jarraituko duela gaineratu du.

Quincy Jones ekoizlearen Grammy kopurua berdindu du Beyoncek. Oraindik hiru falta zaizkie biei Georg Solti musika klasikoaren zuzendaria harrapatzeko, hark 31 baititu.

H.E.R abeslariak ere Black Lives Matter mugimendua hartu du ahotan, I Can't Breathe kantuan. Polizia zuri batek iaz hil arte ito zuen George Floyden azken hitzak erabili ditu leloan eta izenburuan. «Geu gara desio dugun aldaketa, eta gogoratu 2020ko udan eduki genuen borroka; eutsi indar horri», esan du.

Beste emakume beltz bat sartu da sarien historian: Megan Thee Stallion da rap abestirik onena irabazi duen lehenengo emakumea, Savage kantarekin. Beyoncek berak lagun izan du abesti horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Itziar Aizpuru aktorea, <em>Loreak</em> filmeko eszena batean. ©JON URBE / FOKU

AMONATXOAREN IDEIA ZARTATZEN

Olaia L. Garaialde

Zaharrak eta zahartzaroa modu askotara irudikatu daitezke zineman eta antzerkian; BERRIAk gai horri buruz gogoetan jarri ditu zenbait aktore eta zinemagile. Batzuek nabarmendu dute gero eta pertsonaia gehiago sortzen ari direla, nahiz eta asko rol jakin batzuetara mugatuta egon.

Irene Nemirovsky. ©BERRIA

Literaturaren maleta galduak

Joannes Jauregi

Aurten laurogei urte dira Irene Nemirovsky idazlea Auschwitzen hil zutela. Haren 'Suite frantsesa' eleberriak naziek Frantzia okupatu zutenekoa kontatzen du.

James Baldwinen irudiarekin egindako muntatzea. ©ANE GARCIA
Girlschool taldeko Kim McAuliffe, herenegun, Bilbon. ©MONIKA DEL VALLE / FOKU

Girlschool, bigarren lerroan duin

Gotzon Hermosilla

Girlschool taldeak Music Legends jaialdian jo zuen herenegun, Bilbon, eta rock gogorraren eremuan lau hamarkada baino gehiago iraun duen ibilbideari errepasoa egin zioten.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.